Beed News: बीड जिल्ह्यातील महसूल विभागात नुकतेच २४१ कोटी रुपयांचे बनावट लवाद आदेश तयार करून ७३ कोटी रुपयांचे वितरण केल्याच्या घोटाळा उघड झाला होता. तोच आणखी एक घोटाळा ‘सकाळ’च्या हाती लागला आहे. केजच्या एका नायब तहसीलदाराने चक्क तहसीलदारांच्या न्यायालयाचा वापर करून बनावट स्वाक्षऱ्यांनी जमिनीबाबतचे आदेश काढले आहेत. विशेष म्हणजे या नायब तहसीलदाराची नुकतीच तहसीलदारपदावर पदोन्नतीही झाली आहे. .केज तहसील कार्यालयात हा बनावट स्वाक्षऱ्यांचा घोटाळा घडला आहे. केजच्या तत्कालीन नायब तहसीलदार व सध्या छत्रपती संभाजीनगरला तहसीलदार असलेल्या आशा दयाराम वाघ यांनी बनावट स्वाक्षऱ्या करून जमिनीबाबतचे आदेश निर्गमित केल्याचा अहवाल अंबाजोगाईच्या उपविभागीय अधिकारी कार्यालयाने जिल्हाधिकाऱ्यांकडे पाठविला आहे..Kolhapur Talathi Bribe : शेतकऱ्यांना लुबाडणाऱ्या तलाठ्याला एलसीबीने पकडलं रंगेहाथ.केजचे तहसीलदार राकेश गिड्डे, नायब तहसीलदार ए.एन. भंडारे, सहायक महसूल अधिकारी जी. पी. नन्नवरे, महसूल सहायक एम. के. कोकरे हे या प्रकरणातील साक्षीदार आहेत. त्यांच्याबाबत इतरही जोडपत्र जोडले असून वरिष्ठांची परवानगी न घेता मुख्यालय सोडणे, नैसर्गिक आपत्ती यादी तपासणी कामकाजात नेमणूक असतानाही कामकाज न करणे, जिल्हा परिषद व पंचायत समिती निवडणुक कामकाजात गैरहजर राहून हयगय करणे अशा अनियमिततांचा या जोडपत्रात उल्लेख आहे..त्यांच्या विरुद्ध विभागीय चौकशीची कार्यवाही करणे अनिवार्य वाटत असल्याचे म्हटले आहे. हे जोडपत्र अंबाजोगाईच्या उपविभागीय कार्यालयाकडून जिल्हाधिकाऱ्यांकडे सादर करण्यात आले आहे. दरम्यान, जिल्हाधिकारी कार्यालयात आठवडाभरापूर्वीच तत्कालिन जिल्हाधिकाऱ्यांच्या बनावट स्वाक्षऱ्यांनी २४१ कोटी रुपयांचे लवाद आदेश तयार केल्यावरून महसूल अधिकारी, वकिलांवर गुन्हा नोंद झाला आहे. एकाच वेळी असे ५० आदेश निघाले होते. यातील तिघे अद्यापही पोलिस कोठडीत आहेत. त्यातच आता एका वरिष्ठ अधिकाऱ्याने चक्क तहसीलदारांच्या बनावट स्वाक्षऱ्या आणि आदेश तयार केल्याचा प्रकार घडलाआहे..Drought Update : दुष्काळग्रस्त तालुक्यांत काटेकोर उपाययोजना करा.जमिनीबाबतचे पाच बनावट आदेशदरम्यान, तहसीलदारांच्या न्यायालयात तहसीलदारांना जमीन महसूल अधिनियमन १९६६ प्रमाणे प्राप्त आदेशाप्रमाणे तत्कालीन नायब तहसीलदार आशा वाघ यांनी केजचे तहसीलदार राकेश गिड्डे यांच्या बनावट स्वाक्षरीचे जमिनीबाबतचे बनावट आदेश तयार केले. यामध्ये सहा मे, २० मे, तीन जून, नऊ जून आणि २० ऑगस्ट तसेच एक आदेश २९ फेब्रुवारी २०२० ला निर्गमित केला आहे. हे आदेश केज तालुक्यातील दहिफळ (वड.), लाडेगाव, नांदूरघाट आणि वाघे बाभूळगाव या गावांतील शेतीबाबत आहेत..तो कार्यालयीन पत्रव्यवहार असून माझ्यानंतर काही झाले असेल तर तो प्रकार मला माहीत नाही. खुलासा मागितल्यानंतर आपण सादर करू.— आशा वाघ, तत्कालीन नायब तहसीलदार केज.बनावट आदेश प्रकरणासह केज तहसीलदारांकडून आलेले तक्रारींचे जोडपत्र या कार्यालयाने जिल्हाधिकाऱ्यांना पाठविले आहे. हा प्रकार केज तहसीलमध्ये घडला आहे. दीपक वजाळे, उपविभागीय अधिकारी, अंबाजोगाई.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
