RTI Reform: सरकारने माहिती अधिकारात बदल केल्यास आंदोलन करण्यात येईल, असा इशारा ज्येष्ठ समाजसेवक अण्णा हजारे यांनी दिला आहे. श्री. हजारे यांनी सांगितले, की माहिती अधिकार कायद्यासाठी ५ जुलैपासून राळेगणसिद्धी येथे उपोषण करण्याचे जाहीर केले होते, पण राज्यातील कार्यकर्ते आणि ग्रामस्थांच्या विनंतीमुळे, तसेच शासनाने जनभावनेचा आदर करून सकारात्मक भूमिका घेतल्याने उपोषणाचा निर्णय स्थगित करीत आहे..हा निर्णय सरकारवर विश्वास ठेवून नव्हे, तर त्यांनी सुरू केलेल्या सकारात्मक प्रक्रियेमुळे घेत आहे. मी सरकारला एवढेच सांगू इच्छितो, की लोकांचा आवाज ऐकणे हीच खरी लोकशाही आहे. जनतेच्या हक्कावर परिणाम करणारे निर्णय घेण्यापूर्वी व्यापक चर्चा व लोकांचा विश्वास मिळवणे आवश्यक आहे..Farmer Protection Act 2026: शेतकरी संरक्षण कायद्याचा मसुदा अण्णा हजारे यांच्याकडे सुपूर्द.यासंदर्भात सरकारला लिहिलेल्या पत्रात हजारे यांनी म्हटले आहे, की माहिती अधिकार कायदा शासन व्यवस्थेतील उत्तरदायित्व, पारदर्शकता व लोकसहभागाकरिता अत्यंत महत्त्व आहे. हा कायदा मजबूत व्हावा, सामान्य नागरिकांच्या हाती प्रभावी शस्त्र म्हणून राहावा, यासाठी मी अनेक वर्षे सरकारशी संघर्ष केला. राळेगणसिद्धी परिवाराची एकजूट, जागरूकता व शांततापूर्ण लोकशाही मार्गाने उभ्या राहिलेल्या जनरेट्यामुळे राज्य शासनाने माहितीचा अधिकार नियमावली स्थगित करण्याचा निर्णय घेतला, पण हा अंतिम निर्णय नाही..Anna Hazare Protest: पाच जुलैपासून बेमुदत उपोषणाचा अण्णा हजारे यांचा इशारा.माहिती अधिकाराला कमकुवत करणारी नियमावली पूर्णपणे रद्द होऊन लोकांच्या हक्कांचे संपूर्ण संरक्षण होईल, अशी आमची अपेक्षा आहे, शासनाने ही प्रक्रिया अर्धवट ठेवली किंवा जनतेच्या अपेक्षानुसार नियमावली कायमची रद्द करण्याबाबत ठोस निर्णय घेतला नाही, तर लोकशाही मार्गाने पुन्हा आंदोलन उभे करावे लागेल..प्रत्येक नागरिकाची जबाबदारीहजारे म्हणाले, की प्रत्येक सामान्य माणसाच्या हातातील शासन व्यवस्थेतील भ्रष्ट्राचार, गैरकारभारास आळा घालण्याचे शस्त्र आहे. त्यामुळे तो जपण्याची, अधिक बळकट करण्याची आणि कोणालाही तो कमकुवत न करू देण्याची जबाबदारी प्रत्येक जागरूक नागरिकाची आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
