Nashik News: चांदवड कृषी उत्पन्न बाजार समितीमध्ये कांद्याची आवक वाढल्यामुळे दरात मोठी घसरण झाल्याने सकाळी (ता. २१) संतप्त शेतकऱ्यांनी चांदवड येथे मुंबई-आग्रा महामार्ग रोखत संताप व्यक्त केला. शेतकऱ्यांनी सकाळी दहा ते दुपारी साडेबारा असे सुमारे अडीच तास रास्ता रोको आंदोलन केले. त्यामुळे वाहतूक कोंडी झाली होती..मालेगाव तालुक्यातील डोंगराळे येथील बालिकेच्या हत्येच्या निषेधार्थ कसमादे परिसरातील बहुतांश बाजार समित्यांमध्ये शुक्रवारी (ता. २१) कांद्याचे लिलाव बंद होते. परिणामी चांदवड बाजार समितीमध्ये कांदा आवक अधिक झाली. त्यामुळे उन्हाळ कांद्याला ५०० रुपयांपासून तर खरीप लाल कांद्याला प्रति क्विंटल २८० रुपये दर मिळाल्याने शेतकरी संतापले. शेतकऱ्यांनी रास्ता रोकोला सुरुवात केल्यामुळे प्रशासनाची धावपळ उडाली..Onion Prices Crash: कांदा १ रुपये किलो! शेतकरी चिंतेत; उत्पादन खर्च तर सोडा, वाहतूक खर्चही निघाला नाही.या वेळी चांदवड कृषी उत्पन्न बाजार समितीचे सभापती व शिवसेना (उबाठा) पक्षाचे जिल्हाध्यक्ष नितीन आहेर, माजी आमदार शिरीषकुमार कोतवाल, माजी सभापती संजय जाधव, शिवसेना तालुका प्रमुख विलास भवर, ‘प्रहार’चे गणेश निंबाळकर, बाजार समिती संचालक डॉ. राजेंद्र दवंडे आदी आंदोलनस्थळी उपस्थित झाले..Onion Rate: कमी दराने बोली लावली; नाशिकमध्ये कांदा उत्पादक उतरले रस्त्यावर.दरम्यान तहसीलदार अनिल चव्हाण, सहायक निबंधक सविता शेळके, पोलिस निरीक्षक वाघ यांनी शेतकऱ्यांची संवाद साधला. कोतवाल यांनी त्यांची समजूत काढली. महाविकास आघाडी व शेतकरी संघटनेच्या नेत्यांनी सरकारी धोरणांचा निषेध केला. त्यानंतर शेतकऱ्यांनी कांद्याच्या फेरलिलावाची मागणी केली. अखेर व्यापाऱ्यांनी दर वाढवून बोली लावल्याने लिलाव पुन्हा सुरळीत झाले. .निवडणुकीच्या तोंडावर शेतकऱ्यांचा संताप अतिवृष्टीमुळे शेतकऱ्यांचे अतोनात नुकसान आहे. त्यातच स्थानिक स्वराज्य संस्थांच्या निवडणुका जाहीर झाल्या आहेत. या पार्श्वभूमीवर कांद्यासारख्या पिकाला अपेक्षित दर मिळत नसल्याने शेतकऱ्यांचा संताप पुन्हा उफाळून येत असल्याचे पाहायला मिळाले. केंद्र सरकारने हस्तक्षेप करून निर्यात वाढीसाठी प्रयत्न करावेत, अशी शेतकऱ्यांची मागणी असताना याकडे गांभीर्याने पाहिले जात नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
