शेती क्षेत्राला बँक कर्ज पुरवठा करण्यात आंध्र प्रदेश, उत्तर प्रदेश, कर्नाटक आघाडीवरयातून शेतीसाठी अर्थिक पुरवठा करण्याची वाढती मागणी दिसून येते३१ मार्च २०२५ पर्यंत आंध्रमधील शेतीसाठी २.८२ लाख कोटी बँक कर्जवाटप.Agricultural Credit: शेती क्षेत्राला बँक कर्ज पुरवठा करण्यात आंध्र प्रदेश, उत्तर प्रदेश आणि कर्नाटक ही राज्ये आघाडीवर आहेत. यातून शेतीसाठी आर्थिक पुरवठा करण्याची वाढती मागणी आणि बँकांच्या मजबूत कर्जपुरवठ्याची उलाढाल दिसून येते. भारतीय रिझर्व्ह बँकेच्या (RBI) च्या आकडेवारीनुसार, ३१ मार्च २०२५ पर्यंत आंध्र प्रदेशातील शेतीसाठी दिलेले बँक कर्ज २.८२ लाख कोटी रुपये एवढे होते. त्यापाठोपाठ उत्तर प्रदेशात २.१२ लाख कोटी रुपये आणि कर्नाटकातील शेती क्षेत्रासाठी १.९९ लाख कोटी रुपये कर्जवाटप झाले आहे..प्रदेशांचा विचार करता, शेतीसाठी सर्वाधिक कर्ज दक्षिणेकडील प्रदेशाला ११.४६ लाख कोटी रुपये देण्यात आले. उत्तरेकडील प्रदेशाला ३.९८ लाख कोटी रुपये आणि मध्य भारताला ३.७६ लाख कोटी रुपये मिळाले..Agriculture Success Story: संघर्षातून ‘यशा’ला घातली गवसणी.२०२५ च्या अर्थसंकल्पापूर्वी केंद्रीय अर्थमंत्र्यांनी सादर केलेल्या आर्थिक सर्वेक्षणानुसार, अनुकूल हवामान, शेतीमध्ये आधुनिक पद्धतींचा वापर, तसेच पीक उत्पादकता आणि शाश्वतता वाढवण्यासाठी सरकारने केलेल्या उपाययोजनांमुळे देशातील शेती क्षेत्रात वाढ नोंदवली गेली आहे..Agricultural Credit: शेती कर्ज वितरण वाढवा, FPO च्या सोयीनुसार योजना आखा, अर्थमंत्री सीतारामन यांचे ग्रामीण बँकांना निर्देश.या सर्वेक्षणानुसार, आर्थिक वर्ष २०२४-२५ च्या दुसऱ्या तिमाहीत शेती क्षेत्राची वाढ ३.५ टक्के एवढी होती. याआधीच्या चार तिमाहींच्या तुलनेत या वाढीत सुधारणा झाली होती. ज्यात वाढीचा दर ०.४ टक्क्यांपासून २ टक्क्यांपर्यंत होता..शेती आणि त्याच्याशी संलग्न क्षेत्रे ही भारतीय अर्थव्यवस्थेचा नेहमीच कणा राहिली आहेत. ही क्षेत्रे देशाच्या उत्पन्नात आणि रोजगारात महत्त्वाची भूमिका बजावतात. आर्थिक वर्ष २०२४ मध्ये देशाच्या जीडीपीमध्ये या क्षेत्राने सुमारे १६ टक्के योगदान दिले आहे. तर ते सुमारे ४६.१ टक्के लोकसंख्येला आर्थिक हातभार लावते, असे सर्वेक्षणात नमूद करण्यात आले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
