Maize MSP Pending Dues: अमरावती: किमान आधारभूत किंमत (एमएसपी) योजनेंतर्गत मका विक्री करून तब्बल तीन महिने उलटूनही शेतकऱ्यांना अद्याप मोबदला मिळाला नाही. त्यामुळे धारणी व चिखलदरा तालुक्यातील हजारो आदिवासी शेतकरी आर्थिक संकटात सापडले आहेत. समोर होळीचा सण उभा असताना हातात पैसाच नसल्याने कुटुंबावर उपासमारीची वेळ येण्याची भीती व्यक्त होत आहे..आदिवासी विकास महामंडळामार्फत २४ नोव्हेंबर २०२५ रोजी या भागात मक्याची मोठ्या प्रमाणावर खरेदी करण्यात आली होती. शासनाने हमीभावाचे आश्वासन देत माल खरेदी केला, मात्र तीन महिने उलटूनही शेतकऱ्यांच्या खात्यात एक रुपयाही जमा झालेला नाही. परिणामी, दुर्गम भागातील शेतकरी कर्जबाजारीपणाच्या विळख्यात अडकले असून संपूर्ण तालुक्यात संतापाची लाट उसळली आहे. या गंभीर प्रश्नावर शिवसेना (उबाठा) गट आक्रमक झाला असून, उपजिल्हाप्रमुख शैलेंद्र मालवीय यांनी जिल्हाधिकाऱ्यांना निवेदन सादर केले आहे. शेतकऱ्यांच्या घामाचे पैसे तात्काळ जमा करा, अन्यथा रास्ता रोकोसह तीव्र आंदोलन छेडण्यात येईल, असा स्पष्ट इशारा त्यांनी दिला आहे..Maize Price: व्यापार कराराचा मक्यावर दबाव.दोन मार्च रोजी होळीचा सण साजरा होणार असताना आदिवासी कुटुंबांमध्ये आनंदाऐवजी चिंतेचे वातावरण आहे. दैनंदिन गरजाही भागवणे कठीण झाले आहे. शेतमाल विकूनही मोबदला न मिळणे ही मोठी शोकांतिका असल्याची भावना शेतकरी व्यक्त करीत आहेत. प्रशासनाने तातडीने दखल घेऊन प्रलंबित रक्कम शेतकऱ्यांच्या खात्यात जमा करावी, अन्यथा व्यापक जनआंदोलन उभारले जाईल, असा इशारा स्थानिक पदाधिकाऱ्यांनी दिला आहे..Maize Price: जाणून घ्या; आजचे सोयाबीन, कापूस, उडीद, मका आणि भेंडीचे बाजारभाव .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
