Kharif Season: कापसाला मिळत असलेल्या उच्चांकी दरामुळे यंदाच्या खरीप हंगामात अमरावती विभागात कपाशी क्षेत्र वाढण्याची चिन्हे आहेत. सरासरी क्षेत्राच्या तुलनेत तब्बल २० हजार हेक्टरने वाढ होण्याची शक्यता कृषी विभागाने व्यक्त केली असून त्यानुसार १२ लाख ५० हजार बियाणे पाकिटांची मागणी नोंदविण्यात आली आहे. त्यामुळे आगामी हंगामासाठी बियाणे नियोजनाचा प्रश्न पुन्हा ऐरणीवर आला आहे..खरीप हंगामाला अवघे काही दिवस शिल्लक असताना कृषी विभागासह बियाणे कंपन्यांनी तयारी सुरू केली आहे. अमरावती विभागात सरासरी २ लाख ३० हजार हेक्टरवर कपाशीची लागवड होते. मात्र यंदा बाजारातील तेजीमुळे हे क्षेत्र २ लाख ५० हजार हेक्टरपर्यंत जाण्याची शक्यता वर्तविण्यात येत आहे. त्यानुसार कृषी विभागाकडे १२.५० लाख पाकिटांची मागणी नोंदविण्यात आली आहे. .Cotton Price Increase: परभणी जिल्ह्यात कापूस खरेदी दरात सुधारणा.सध्या खासगी बाजारात कापसाला प्रतिक्विंटल सुमारे ७ हजार रुपयांपर्यंत दर मिळत आहे. गेल्या काही महिन्यांपासून कापसाच्या दरात सातत्याने तेजी कायम आहे. आंतरराष्ट्रीय बाजारातील घडामोडी, तेलबियांच्या दरातील वाढ तसेच रुई आणि सरकीला वाढलेली मागणी यामुळे कापूस बाजार मजबूत झाल्याचे व्यापारी सांगतात. यामुळे अनेक शेतकऱ्यांचा कल पुन्हा कपाशीकडे वळताना दिसत आहे. कृषी विभागाच्या प्राथमिक नियोजनानुसार अमरावती तालुक्यात सर्वाधिक ७० हजार पाकिटांची मागणी नोंदविण्यात आली आहे. .Cotton Prices Rise: राळेगावात सीसीआय खरेदी थांबल्यानंतरही कापसाला तेजी .त्याखालोखाल भातकुली तालुक्यात ५१ हजार ५००, नांदगाव खंडेश्वरमध्ये ३४ हजार, चांदूर रेल्वेमध्ये ३७ हजार ५०० आणि अंजनगाव सुर्जी तालुक्यात १ लाख पाकिटांची मागणी आहे. याशिवाय धामणगाव रेल्वे येथे १ लाख ५० हजार, तिवसा येथे ९६ हजार, मोर्शी तालुक्यात दीड लाख, वरूडमध्ये १ लाख ३७ हजार ५००, चांदूर बाजारमध्ये ५८ हजार ५००, दर्यापूरमध्ये २ लाख ६० हजार, धारणीमध्ये ३० हजार तर चिखलदरा तालुक्यात १० हजार पाकिटांची मागणी नोंदविण्यात आली आहे..‘त्या’ वाणाच्या तुटवड्याची शक्यतासंकरित कपाशीच्या काही विशिष्ट वाणांना यंदा मागणी वाढण्याची शक्यता कृषी विभागाने व्यक्त केली आहे. गेल्या वर्षी काही लोकप्रिय वाणांच्या बियाण्यांची विक्री पोलिस बंदोबस्तात करावी लागली होती. यंदाही मागणी वाढल्यास काही वाणांचा तुटवडा निर्माण होण्याची शक्यता व्यक्त होत आहे. विशेषतः एका खासगी कंपनीच्या दोन वाणांची मागणी विदर्भात मोठ्या प्रमाणावर वाढल्याची चर्चा आहे. त्यामुळे काळाबाजार रोखण्याचे आव्हान प्रशासनासमोर राहणार असल्याचे कृषी क्षेत्रातील जाणकारांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
