Amravati News: कणखर इच्छाशक्ती, आधुनिक तंत्रज्ञान आणि अहोरात्र मेहनतीच्या जोरावर संत्रा शेतीत यश मिळवणाऱ्या भारती पोहोरकर यांच्या बागेला अनेक शेतकरी भेट देत आहेत. त्यांचेच अनुकरण करत पोहोरकर यांच्या करजगाव शिवारातील मृग बहार बागेला माजी राज्यमंत्री बच्चू कडू व नयना कडू यांनी नुकतीच भेट दिली. .एम.कॉमपर्यंत शिक्षण घेतलेल्या भारती पोहोरकर सध्या आई सुमित्रा यांच्यासोबत शेतीची संपूर्ण जबाबदारी सांभाळत आहेत. त्यांनी संत्रा शेतीला नवे वळण दिले आहे. बागेला घातलेला दगडी बांध, नियोजनबद्ध पद्धतीने घेतलेला मृग बहार आणि शास्त्रीय व्यवस्थापन पाहून बच्चू व नयना कडू विशेष प्रभावित झाले. .Bachu kadu : आता खाणारे नव्हे, पिकवणारे सरकार पाडतील ; बच्चू कडू.मृग नक्षत्रापूर्वी झाडांना दिलेला योग्य ताण, पावसाच्या सुरुवातीला उमललेल्या कळ्या, तसेच कीड-रोग नियंत्रणासाठी कीडनाशकांचा योग्य वापर करण्यात आला आहे. मुख्य व सूक्ष्म अन्नद्रव्यांचा संतुलित वापर करून फळधारणेस बळ मिळवून देण्यात आले आहे..Bachchu Kadu Protest : बच्चू कडू यांचं अन्नत्याग उपोषण मागे; राज्य सरकारकडून मागण्या पूर्ण करण्याचं आश्वासन.फळमाशी नियंत्रणासाठी मक्षिकारी सापळ्यांचा वापर तर सूत्रकृमींना आळा घालण्यासाठी बागेत झेंडूची लागवड करण्यात आली आहे. एकूण १८० संत्रा झाडांची लागवड करण्यात आली असून त्यापैकी १४० झाडांना बांबूची मजबूत आधारव्यवस्था देण्यात आली आहे. या संत्रा बागेचा सौदा तब्बल ७ लाख रुपयांना झाल्याची माहिती पोहोरकर यांनी दिली..“आज एका महिलेला शेतीत किती कणखरपणे उभे राहत संघर्षातून यश गाठता येते, याचं जिवंत उदाहरण भारतीताई आणि त्यांच्या आई आहेत. मेहनत आणि तंत्रज्ञानाची सांगड घालून त्यांनी प्रेरणादायी वाटचाल केली आहे. त्यांच्या कष्टांना मी मनापासून सलाम करते,”- नयना बच्चू कडू, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
