Drought Resolution : अमरावती पावसाच्या प्रदीर्घ खंडामुळे अमरावती व भातकुली तालुक्यांतील खरीप पिकांचे मोठे नुकसान झाले आहे. या दोन्ही तालुक्यांसह जिल्ह्यात कोरडा दुष्काळ जाहीर करण्याचा ठराव अमरावती बाजार समितीच्या आमसभेत घेण्यात आला..अमरावती बाजार समितीच्या कार्यक्षेत्रात अमरावती व भातकुली या दोन तालुक्यांचा समावेश आहे. या भागात अपुरा आणि प्रदीर्घ काळ खंडित झालेल्या पावसामुळे सोयाबीन, मूग व उडीद या पिकांच्या उत्पादनक्षमतेवर ६० टक्के किंवा त्यापेक्षा अधिक परिणाम झाला असल्याचे बाजार समितीने ठरावात नमूद केले आहे. काही भागांत या पिकांचे उत्पादन पूर्णतः हातातून गेल्याची स्थिती असल्याचेही बाजार समितीने म्हटले आहे..Global Agriculture Market: ‘एल निनो’चा जागतिक शेतीमाल बाजाराला फटका.अमरावती जिल्हा मध्यवर्ती सहकारी बँकेचे संचालक तथा महाराष्ट्र प्रदेश काँग्रेस कमिटीचे सरचिटणीस हरिभाऊ मोहोड यांनी यासंदर्भात बाजार समितीला पत्र दिले होते. त्यानंतर मोहोड यांनी दुष्काळ जाहीर करण्याचा प्रस्ताव सूचक म्हणून मांडला. या प्रस्तावाला सतीश गोटे यांनी अनुमोदन दिले. .Paithan Market Committee: तेलवाडीत साकारणार पैठण बाजार समितीचा उपबाजार.महसूल व कृषी विभागाच्या पंचनाम्यांसह राष्ट्रीय आपत्ती प्रतिसाद निधीच्या (एनडीआरएफ) निकषांची प्रक्रिया पूर्ण होण्याची प्रतीक्षा न करता सोयाबीन व उडीद उत्पादक शेतकऱ्यांना तातडीने आर्थिक मदत देण्याची मागणी ठरावातून करण्यात आली आहे. दोन्ही तालुक्यांतील शेतकऱ्यांच्या खात्यात दसरा-दिवाळीपूर्वी सरसकट ५० टक्के आर्थिक सहाय्य जमा करावे, अशी मागणी करण्यात आली. वेळेत मदत न मिळाल्यास शेतकऱ्यांचा सण अंधकारमय होण्याची शक्यताही ठरावात व्यक्त करण्यात आली आहे..दरम्यान, अमरावती जिल्ह्यातही पावसाअभावी सोयाबीन आणि पूर्वहंगामी कापूस पिकांचे नुकसान झाले आहे. त्यामुळे संपूर्ण जिल्ह्यात विनाविलंब कोरडा दुष्काळ जाहीर करून शेतकऱ्यांना सरसकट हेक्टरी एक लाख रुपये अनुदान द्यावे, नियमित कर्जदार शेतकऱ्यांना जाहीर केलेली ५० हजार रुपयांची प्रोत्साहनपर रक्कमही २० ऑक्टोबरपर्यंत देण्याची मागणी ठरावातून करण्यात आली आहे. हा ठराव पुढील कार्यवाहीसाठी जिल्हाधिकारी यांच्याकडे पाठविण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
