Mango Price Drop: वाशीतील मुंबई कृषी उत्पन्न बाजार समितीच्या फळ बाजारात कोकणातील हापूस आंब्याची आवक वाढण्यास सुरुवात झाली असून, त्याचा थेट परिणाम भावांवर दिसून येत आहे. हापूसच्या किमतीत सुमारे २० टक्क्यांनी घसरण झाली असून, आता हे आंबे सर्वसामान्य ग्राहकांच्या आवाक्यात येऊ लागले आहेत..मागील आठवड्यापर्यंत हापूस आंब्याचे भाव तीन ते पाच डझनसाठी अडीच हजार ते सात हजारांदरम्यान होते; मात्र सध्या हेच भाव घसरून दोन हजार ते सहा हजारांपर्यंत आले आहेत. येत्या काही दिवसांत आवक वाढण्याची शक्यता व्यक्त होत असून, भाव आणखी कमी होण्याचा अंदाज एपीएमसीतील फळ व्यापारी अक्षय ढेबी यांनी वर्तवला आहे. .Hapus Mango Price: हापूसला पाच ते सात हजार रुपये दर.गुढीपाडव्यापर्यंत एका पेटीचे भाव तीन हजार ते नऊ हजारांपर्यंत पोहोचले होते. मात्र, पाडवा संपताच परिस्थितीत बदल होऊ लागला. सोमवार (ता. ३०)पासून आवक आणखी वेगाने वाढू लागली आहे. सोमवारीच बाजारात कोकणातून तब्बल ३४,६९० पेट्या हापूस आंब्यांची नोंद झाली आहे..Hapus Mango: गुढीपाडव्याला हापूस नाही.तापमानवाढीचा परिणामसध्या कोकणात तापमान वाढत असल्याने आंबा जलद गतीने पिकत आहे. त्यामुळे येत्या काळात बाजारात आवक वाढण्याची शक्यता आहे.भाव आणखी कमी होऊन हापूस आंबा सर्वसामान्य ग्राहकांना परवडणाऱ्या भावात उपलब्ध होईल, असा अंदाज व्यक्त केला जात आहे..वाढती आवक आणि घसरते भाव यामुळे बाजारात खरेदीदारांची गर्दी वाढू लागली असून, हंगाम आता रंगात येत असल्याचे चित्र आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
