Amaravati News : नांदगाव खंडेश्वर कृषी उत्पन्न बाजार समितीकडून लोणी येथील बाजार समितीची जमीन कमी भावाने विकण्याचा घाट बाजार समिती प्रशासनाकडून घालण्यात आल्याचा आरोप असून या प्रकाराची चौकशी करण्याची मागणी होत आहे. याबाबत जिल्हा परिषदेचे माजी सदस्य रवींद्र मुंदे यांच्यासह ग्रामस्थांकडून तक्रार देण्यात आली आहे..नांदगाव खंडेश्वर कृषी उत्पन्न बाजार समितीच्या तत्कालीन सभापतींनी २० वर्षांपूर्वी उपबाजार समितीसाठी लोणी येथे शेत सर्व्हे क्रमांक ३४२ ची खरेदी केली होती. या शेताच्या विक्रीची नोटीस बाजार समितीने काढली आहे. या शेताच्या विक्रीची ई-टेंडरद्वारे निविदा प्रसिद्ध झाली असून त्यामध्ये जिओ टॅगिंगची अट टाकण्यात आली आहे. .Junnar APMC: खासगी जागा खरेदी प्रकरण आरोप प्रत्यारोपांनी गाजले.मात्र शासनाने ही अट काढली असतानाही सचिवांनी आपल्या अधिकारात ही अट टाकली असून त्यावर त्यांच्या स्वाक्षरी व शिक्क्याशिवाय निविदा भरता येणार नाही. विशेष म्हणजे निविदा निघाल्यापासून सचिव अनुपस्थित असून सही व शिक्क्यासाठी इच्छुकांची दमछाक होत आहे, असा आरोप रवींद्र मुंदे तसेच शुभम मुंदे यांच्यासह ग्रामस्थांनी केला आहे. .APMC Land Decision : बाजार समित्यांना मिळणार नाममात्र दरात शासकीय जागा.सचिवच स्वाक्षरीसाठी उपलब्ध नसल्याने अनेक इच्छुकांना परत जावे लागत आहे. विशेष म्हणजे कोट्यवधी रुपयांची ही शेतजमीन काही लाखांत घशात घालण्याचा प्रयत्न काही राजकीय मंडळी करीत असल्याचा आरोप श्री. मुंदे यांनी बाजार समिती प्रशासनाला दिलेल्या तक्रारीतून केला आहे..लोणी येथील जमिनीची किंमत कोटींच्या घरात आहे. मात्र सचिवांच्या आडून काही मंडळी ही जमीन बळकाविण्याच्या प्रयत्नात आहेत. त्यामुळे याप्रकरणाची चौकशी झाली पाहिजे.-रवींद्र मुंदे, माजी जि. प. सदस्य.निविदाप्रक्रिया शासकीय नियमानुसारच केली जात आहे. सततच्या सुट्ट्यांमुळे शासकीय कामकाज झाले नाही. त्यामुळे आपण अनुपस्थित असल्याचा प्रश्नच निर्माण होत नाही. जिओ टॅगिंग ही शासकीय प्रक्रियाच आहे.-अमित मोहोड, सचिव, कृषी उत्पन्न बाजार समिती, नांदगावखंडेश्वर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
