Flower Cultivation: आळेफाटा परिसरातील आळे, राजुरी, वडगाव आनंद, कांदळी, बोरी बुद्रुक, बोरी खुर्द, जाधववाडी, संतवाडी, कोळवाडी, पादिरवाडी आदी गावांमधील शेतकऱ्यांचा फूलशेतीकडे कल वाढत आहे. यामध्ये विशेष करून गुलछडीच्या लागवडीला मोठी पसंती मिळत आहे..या वर्षी आळेफाटा परिसरात सुमारे ४५ ते ४८ हेक्टर क्षेत्रावर गुलछडीची लागवड करण्यात आली आहे. कमी खर्च, नियमित उत्पन्न आणि बाजारपेठेत कायम असलेली मागणी यामुळे फूलशेती शेतकऱ्यांसाठी वरदान ठरत आहे. सध्या कांदा, टोमॅटो, भाजीपाला तसेच इतर पारंपरिक पिकांच्या बाजारभावात सातत्याने होणारे चढ-उतार, वाढता उत्पादन खर्च आणि निसर्गाच्या लहरीपणामुळे शेतकऱ्यांना आर्थिक संकटाचा सामना करावा लागत आहे..Flower Farming: जागतिकीकरणामुळे फुलशेतीला चांगली संधी.कुठल्याही पिकाला चांगला बाजारभाव मिळत नसल्याने शेतकरी अडचणीत येत असल्याचे दिसून येत आहे. गुलछडी पिकाचे सर्वांत मोठे वैशिष्ट्य म्हणजे एकदाच लागवड केल्यानंतर तीन ते चार वर्षे सातत्याने उत्पादन मिळते. तसेच व्यापारी जागेवर येऊन फुले खरेदी करतात..Bijli Flower Farming: कोसबाड परिसरात ‘बिजली’ फुलली .महाराष्ट्र ग्रामीण रोजगार हमी योजना तसेच एकात्मिक फलोत्पादन अभियानांतर्गत फूलशेतीला प्रोत्साहन देण्यासाठी विविध अनुदान योजना राबविण्यात येत आहेत. जवळपास २० शेतकऱ्यांना शंभर टक्के अनुदानाचा लाभ देण्यात आला आहे..झेंडू, गुलछडी आणि इतर फूलपिकांसाठी १०० टक्क्यांपर्यंत अनुदान उपलब्ध करून दिले जात आहे. कृषी विभागाच्या महाडीबीटीवर ऑनलाइन अर्ज भरून शेतकऱ्यांनी या अनुदानाचा लाभ घ्यावा.राजश्री नरवडे, कृषी अधिकारी, जुन्नर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
