Farmers Demand: विकासाच्या नावाखाली उभारला जात असलेला अकोट-खंडवा रेल्वे मार्ग आता शेतकऱ्यांच्या जिवावर उठल्याचा आरोप होत आहे. या मार्गासाठी टाकलेल्या उंच भरावामुळे पावसाच्या पाण्याचा नैसर्गिक निचरा पूर्णपणे बंद करण्यात आल्याने दोन्ही बाजूंच्या शेकडो एकर शेतजमिनी अक्षरशः तलावात बदलल्या आहेत. परिणामी खरीप हंगाम धोक्यात आला असून शेतकऱ्यांचे लाखो रुपयांचे नुकसान झाले आहे. संतप्त शेतकऱ्यांनी जिल्हा प्रशासनाकडे धाव घेत तातडीने हस्तक्षेप करण्याची मागणी केली आहे..अकोट-खंडवा नवीन रेल्वेमार्गाचे काम सध्या वेगाने सुरू आहे. रेल्वे रुळांसाठी मोठ्या प्रमाणात गौणखनिजाचा भराव टाकण्यात आला आहे. मात्र, हा भराव करताना पावसाचे पाणी वाहून जाणाऱ्या नैसर्गिक मार्गांची कोणतीही व्यवस्था करण्यात आली नसल्याचा आरोप शेतकऱ्यांनी केला आहे. .Farmer Protest: कर्जमाफी, पीकविमा आणि हमीभावासाठी शेतकऱ्यांचा ‘रास्ता रोको’.गेल्या काही दिवसांत या भागात जोरदार पाऊस झाला असून पाणी थेट शेतात साचून अनेक ठिकाणी आठ ते दहा फूट खोल जलसाठा निर्माण झाला आहे. उभी पिके पूर्णपणे पाण्याखाली गेल्याने शेतकऱ्यांसमोर आर्थिक संकट उभे ठाकले आहे. बुधवारी (ता. १) शेतकरी संघटने (रघुनाथदादा पाटील प्रणीत)चे विदर्भ अध्यक्ष लक्ष्मीकांत कौठकर यांच्या नेतृत्वात पीडित शेतकऱ्यांनी जिल्हाधिकारी वर्षा मीना यांची भेट घेऊन निवेदन सादर केले. .Farmer Protest: शेतकऱ्याचा बैलावरून थेट तहसील कार्यालयात प्रवेश.अडगाव बुद्रूक, मालठाणा, तळेगाव बाजार, हिवरखेड, दानापूरसह अनेक गावांमध्ये रेल्वे प्रशासनाच्या हलगर्जीपणामुळे नदी-नाल्यांचा प्रवाह रोखला गेल्याचा गंभीर आरोप करण्यात आला..रेल्वे प्रशासनाने तातडीने बैठक घेऊन पाण्याच्या निचऱ्याची व्यवस्था करावी, पिकांच्या नुकसानीची संपूर्ण भरपाई जाहीर करावी आणि भरपाई मिळेपर्यंत रेल्वेचे काम तत्काळ थांबवावे, अशी शेतकऱ्यांनी मागणी केली आहे. ४८ तासांत प्रशासनाने गंभीर दखल घेतली नाही, तर तीव्र आंदोलन छेडण्याचा इशाराही शेतकऱ्यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
