Akola News : गेल्या दीड-दोन महिन्यांपासून अकोट तालुक्यात होत असलेल्या सततच्या पावसामुळे शेतातील पिके पिवळे पडली असून त्यांची वाढ खुंटली आहे. जास्त पावसामुळे काही ठिकाणी पिके जळाल्याचे दिसून येत आहे. अकोट तालुक्यातील जवळपास सर्वच मंडलांमध्ये हीच परिस्थिती आहे. त्यामुळे अकोट तालुक्याला ओला दुष्काळ जाहीर करून नुकसानग्रस्त शेतकऱ्यांना आर्थिक मदतीची मागणी शेतकऱ्यांकडून करण्यात येत आहे..गेल्या महिन्यापासून सततच्या पावसामुळे शेतकऱ्यांच्या तोंडचा घास हिसकावला जात आहे. बारमाही ओलिताखाली असलेल्या तीनही महसूल मंडलांमध्ये जास्त संत्रा, केळी, लिंबू यासारखी फळपिके घेतली जातात. अति पावसाचा परिणाम हा झाडांवर होऊन पानगळ, फळगळसारख्या समस्या मोठ्या प्रमाणात उद्भवत आहेत. .त्याचा जबर फटका उत्पादनावर पर्यायाने शेतकऱ्यांच्या अर्थकारणावर होण्याची शक्यता आहे. त्यामुळे या महसूल मंडलांतील शेतकरी मोठ्या आर्थिक संकटात सापडला आहे. या भागातील अनेक शेतकऱ्यांच्या जमिनी पाण्याखाली दिसत आहेत. .Rain Crop Damage : पावसामुळे पिके पाण्याखाली.Crop Damage Survey : पीक नुकसानीचे पंचनामे करून भरपाई देण्याची मागणी .काही ठिकाणी शेतातून पाण्याचे पाट वाहत असल्याने शेतकऱ्यांचे मोठे नुकसान झाले आहे. त्यामुळे ओला दुष्काळ जाहीर करून मदत देण्याची मागणी शेतकरी करीत आहेत..गेल्या महिन्यापासून आमच्या परिसरात कधी अतिवृष्टी, तर कधी सततचा पाऊस पडतो आहे. त्यामुळे खरिपातील पिके खराब होत आहेत. हळद, आले या सारखी पिके पाऊस जास्त झाल्यामुळे खराब होत आहे. शासनाने पंचनामे करून त्वरित मदत देण्यात यावी.- रवींद्र ताडे, हळद उत्पादक, शेतकरी, बोर्डी, जि. अकोला.नदी-नाल्यांना आलेल्या पुरामुळे अनेक शेतात पाणी शिरले. त्यामुळे शेतातील पिके पाण्याखाली आहेत. संत्रा पिकाचा आंबिया बहार अति पावसामुळे गळत आहे. हातातोंडाशी येत असलेला घास हिरावल्या जात आहे. - ओमचंद महाले, संत्रा उत्पादक, शिवापूर, जि. अकोला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
