Akola News: गेल्या काही दिवसांपासून रखडलेला रब्बी हंगाम आता पोषक वातावरणामुळे वेग घेण्याच्या मार्गावर आहे. तरीही अकोला जिल्ह्यात आतापर्यंत रब्बी पिकांची सरासरी क्षेत्राच्या १० टक्क्यांपर्यंतही लागवड झालेली नसल्याचे कृषी विभागाच्या ताज्या अहवालातून स्पष्ट झाले आहे. जिल्ह्यात आजपर्यंत केवळ १०४४२ हेक्टर क्षेत्रावरच रब्बी पिकांची पेरणी झाली असून, ती सरासरीच्या अवघ्या ८.१८ टक्क्यांवर आहे..जिल्ह्यात खरीप पिकांची काढणी पूर्ण झाल्यानंतर दरवर्षी रब्बी हंगामाला वेग येतो. या हंगामात हरभरा हे प्रमुख पीक असून, त्याचे क्षेत्र एक लाख दोन हजार हेक्टरपेक्षा अधिक असते. गहू हे दुसरे महत्त्वाचे रब्बी पीक असून सुमारे २३,६७७ हेक्टर क्षेत्रावर त्याची लागवड केली जाते. .Rabi Season: रब्बी हंगामात तीळ पेरणी अल्प होणार.कृषी विभागाच्या अहवालानुसार, सध्या हरभऱ्याची १०,१७९ हेक्टर आणि गव्हाची केवळ २६० हेक्टरवर लागवड पूर्ण झाली आहे. यावर्षी खरीप पिकांची काढणी उशिरा झाल्याने तसेच जमिनीत योग्य वाफसा नसल्याने रब्बी लागवडीचा वेग मंदावला होता..शिवाय, सुरुवातीच्या काळात हवामान पोषक नसल्याने शेतकरी पेरणीसाठी पुढे आले नव्हते. मात्र, गेल्या काही दिवसांपासून वातावरणातील सुधारणा आणि जमिनीतील ओलावा वाढल्याने शेतकरी आता पीक लागवडीसाठी वळू लागले आहेत. .Rabi Season: महाबीज’कडून ७५ हजार क्विंटल रब्बी बियाणे पुरवठा.या हंगामातही जिल्ह्यात हरभऱ्याला अधिक पसंती दिसून येत आहे. हरभऱ्याच्या पारंपरिक वाणांकडे शेतकऱ्यांचा कल आहे. गव्हाच्या लागवडीला वेग आलेला नाही. आता थंडीचा जोर वाढू लागला असून गव्हाची पेरणीही सुरू होईल. .शेतकऱ्यांचा बीजोत्पादनाकडे कलकृषी तज्ज्ञांच्या मते, पुढील पंधरवड्यात रब्बी पेरणीचा वेग लक्षणीय वाढेल. विशेषतः हरभरा आणि गहू या पिकांच्या लागवडीचे प्रमाण मोठ्या क्षेत्रावर वाढण्याची शक्यता आहे. रब्बी हंगामात जिल्ह्यात कांदा, भाजीपाला आणि इतर पूरक पिकांचीही लागवड मोठ्या प्रमाणात होत असते. कांदा बीजोत्पादनासाठी शेतकऱ्यांची लगबग सुरू आहे. तसेच भाजीपाला लागवडीचेही नियोजन शेतकरी करीत आहेत. या सर्व पिकांसह एकूण रब्बी क्षेत्र दरवर्षी दीड लाख हेक्टरपेक्षा अधिक असते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
