Farmer Welfare: यंदाच्या खरीप हंगामाची पूर्वतयारी सुरू झाली असून शेतकरी विविध कामांमध्ये गुंतले आहेत. पेरणीपूर्व मशागत, बियाणे, खते आणि इतर खर्चासाठी आवश्यक भांडवल उभारण्यासाठी पीककर्जाला मोठी मागणी दिसून येत आहे. या पार्श्वभूमीवर अकोला जिल्ह्यात आतापर्यंत सुमारे ५१२ कोटी रुपयांचे पीककर्ज वाटप करण्यात आले आहे..खरीप हंगामासाठी जिल्ह्यात यंदा सुमारे १३२० कोटी रुपयांचे पीककर्ज वाटपाचे गेल्या हंगामासाठीचे उद्दिष्ट डोळ्यासमोर सध्या ठेवण्यात आले असून एप्रिल महिन्यापासून कर्जवाटप प्रक्रियेला सुरुवात झाली आहे. विविध बँकांनी पात्र शेतकऱ्यांना कर्ज उपलब्ध करून देण्याची प्रक्रिया सुरू केली आहे. ३० एप्रिल अखेरपर्यंत जिल्ह्यात ४४ हजार ३१६ शेतकऱ्यांना एकूण ५१२ कोटी ६३ लाख रुपयांचे पीककर्ज वितरित करण्यात आले आहे..Kharif Crop Loan Rates: नांदेडला पिकांसाठी पीककर्ज दर निश्चित.या कर्जवाटपात अकोला-वाशीम जिल्हा मध्यवर्ती सहकारी बँकेने सर्वाधिक वाटा उचलला असून, ३७९३८ शेतकऱ्यांना ४३१ कोटी ७७ लाख रुपये वितरित केले आहेत. बँकेने उद्दिष्टाच्या ६८ टक्के पीककर्ज वाटप करीत आघाडी घेतली. सार्वजनिक क्षेत्रातील बँकांनीही कर्जवाटपात सहभाग घेत ४२४९ शेतकऱ्यांना ५२ कोटी ७५ लाख रुपयांचे पीककर्ज दिले आहे. खासगी बँकांकडून ४३३ शेतकऱ्यांना ५ कोटी ५२ लाख रुपये वितरित करण्यात आले आहेत. तर महाराष्ट्र ग्रामीण बँकेने १६९६ शेतकऱ्यांना २२ कोटी ५७ लाख रुपये कर्ज दिले आहे..Crop Loan Distribution: सोलापूर जिल्हा बँकेची पीककर्ज वाटपात आघाडी.सर्व बँकांच्या एकत्रित आकडेवारीनुसार, ४४ हजार ३१६ शेतकऱ्यांना ५१२ कोटी रुपयांचे पीककर्ज वितरित झाले असून हे वाटप एकूण नियोजनाच्या सुमारे ३८ टक्के इतके पूर्ण झाले आहे. उर्वरित उद्दिष्ट साध्य करण्यासाठी पुढील काही आठवड्यांत कर्जवाटप वेगाने होण्याची अपेक्षा व्यक्त केली जात आहे..दरम्यान, राज्य शासनाने मध्यंतरी पीककर्ज माफीची घोषणा केल्याने शेतकऱ्यांमध्ये संभ्रमाची स्थिती निर्माण झाली आहे. २०२५ वर्षामध्ये जे थकबाकीदार ठरतील त्यांना माफी मिळेल, असे जाहीर करण्यात आले असले तरी या योजनेचे नेमके निकष अद्याप स्पष्ट झालेले नाहीत. त्यामुळे अनेक शेतकरी गोंधळलेल्या अवस्थेत आहेत.. अडचणी निर्माण होण्याची शक्यता२०२५ मध्ये थकीत असलेले कर्जमाफीच्या व्याख्येत येणार असल्याने या वर्षी कर्ज घेतलेले शेतकरी त्यात बसतील की नाही या बाबत अनिश्चितता आहे. काही शेतकऱ्यांनी जुने कर्ज अद्याप न भरल्याने त्यांना नवीन पीककर्ज मिळविण्यात अडचणी निर्माण होण्याची शक्यता आहे. परिणामी, पीककर्ज वाटपाचा अंतिम आकडा काहीसा अनिश्चिततेच्या छायेत राहिला आहे आणि शेतकऱ्यांमधील संभ्रम कायम आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
