Government Procurement: अकोला जिल्ह्यात यंदाच्या रब्बी तसेच उन्हाळी हंगामात लागवड झालेल्या ज्वारीची हमीभावाने खरेदी करण्यासाठी विविध केंद्रांवर प्रक्रिया राबविण्यात आली. पणन विभागामार्फत आतापर्यंत १ लाख ६० हजार ८५ क्विंटल ज्वारीची खरेदी करण्यात आली आहे. मात्र अजूनही मोठ्या संख्येने नोंदणीकृत शेतकऱ्यांचा माल खरेदी होणे बाकी असल्याने खरेदीचे उद्दिष्ट वाढविण्याची मागणी पुढे आलेली आहे..केंद्र शासनाच्या हमीभाव योजनेअंतर्गत यंदा हायब्रीड ज्वारीसाठी प्रति क्विंटल ४०२३ रुपये तर मालदांडी ज्वारीसाठी ४०७३ रुपये असा किमान आधारभूत भाव निश्चित करण्यात आला होता. या दराने जिल्ह्यातील शेतकऱ्यांकडून ज्वारीची खरेदी करण्यात आली. खरेदीसाठी प्रशासनाने जिल्ह्यात १४ खरेदी केंद्रांना मंजुरी दिली होती..Summer Paddy Procurement: चंद्रपूर जिल्ह्यात उन्हाळी धान खरेदीचे उद्दिष्ट मर्यादित.ज्वारी विक्रीसाठी जिल्ह्यातील ९ हजार ८४९ शेतकऱ्यांनी नोंदणी केली. त्यानुसार १ मेपासून खरेदी प्रक्रियेला सुरुवात झाली. आजपर्यंत ३ हजार ७७१ शेतकऱ्यांकडून १ लाख ६० हजार ८५ क्विंटल ज्वारीची खरेदी पूर्ण झाली आहे. नोंदणी केलेल्यांच्या तुलनेत अवघे ४० टक्के शेतकऱ्यांचाही ज्वारी खरेदी झाली. .Jowar Procurement: बुलडाण्यात ज्वारी खरेदीच्या आकडेवारीवर प्रश्नचिन्ह.जो माल खरेदी झाला तो सुमारे ५९ कोटी २१ लाख ५६ हजार २६४ रुपये किमतीचा आहे. मात्र नोंदणी केलेल्या शेतकऱ्यांपैकी अजूनही ६२ टक्के शेतकरी प्रतीक्षेत असल्याने उर्वरित मालाची खरेदी करण्यासाठी उद्दिष्ट वाढवावे, अशी मागणी होत आहे. या बाबत वरिष्ठांकडे प्रस्ताव देण्यात आलेला असून त्यावर काहीही झालेले नसल्याचे समोर आले आहे..काही केंद्रावरील खरेदी डोळे विस्फारणारीआजवर जी खरेदी झाली त्यातील काही केंद्रांवरील आकडे डोळे विस्फारणारी आहे. एवढी ज्वारी कशी व कोठून आली हा प्रश्न शोधला पाहिजे, असे एका जाणकार अधिकाऱ्याचे म्हणणे होते. जिल्ह्यातील ज्वारीचे लागवड क्षेत्र, सरासरी उत्पादन, नोंदणी केलेले व प्रत्यक्ष खरेदी झालेल्यांचा आकडा हे सर्व काही चर्चेत आहे. गेल्या वर्षात झालेली अनागोंदी पाहता प्रशासन आता उद्दिष्ट वाढीच्या दृष्टीने सकारात्मक दिसत नाही, असेही बोलले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
