ZP Farm Lease: बाळापूर तालुक्यातील हाता येथील ‘विद्या मंदिर फार्म’ या जिल्हा परिषदेच्या मालकीच्या १५५ एकर शेतजमिनीच्या भाडेपट्टा लिलावाला यंदा अभूतपूर्व प्रतिसाद मिळाला आहे. या लिलावातून जिल्हा परिषदेला तब्बल ५४ लाख १४ हजार रुपयांचा महसूल प्राप्त झाला असून, ही आजवरची विक्रमी वसुली ठरली आहे..मागील हंगामात याच शेतीच्या लिलावातून ३१ लाख २७ हजार रुपये मिळाले होते. यंदा मात्र त्यात २२ लाख ८७ हजार रुपयांची लक्षणीय वाढ नोंदविली गेली आहे. जिल्हा परिषद कृषी विभागामार्फत २०२६-२७ या वर्षासाठी आयोजित करण्यात आलेल्या या लिलावात शेतकऱ्यांनी मोठ्या उत्साहाने सहभाग घेतला. अत्यंत चुरशीच्या ठरलेल्या या स्पर्धात्मक बोली प्रक्रियेत सर्वाधिक किंमत देणाऱ्या शेतकऱ्यांना एक वर्षासाठी जमीन वहितीसाठी देण्यात आली..NA Land Permission: बिगरशेती परवानगी आता ऑनलाइन मिळणार.या लिलाव प्रक्रियेत गट क्रमांक २४० (पूर्व) मधील ४५ एकर क्षेत्रासाठी अकोला येथील प्रवीण शिंदे यांनी सर्वाधिक १६.७१ लाख रुपयांची बोली लावली. गट क्रमांक २४० (पश्चिम) मधील ३० एकरांसाठी वासुदेव गावंडे यांनी ११ लाख, तसेच गट क्रमांक .Land Registration Fees Waived: शेतजमीन वाटणी आता पूर्णपणे होणार मोफत; नोंदणी फी रद्द करण्याचा सरकारचा निर्णय.५६७ मधील ४० एकर क्षेत्रासाठी प्रवीण प्रभाकर शिंदे यांनी १८.९१ लाख रुपये, तर गट क्रमांक ७६५ मधील ४० एकर क्षेत्रासाठी सागद येथील अमोल कराळे यांनी ७.५२ लाख रुपयांची बोली लावून जमिनीचा ताबा मिळवला..ही संपूर्ण लिलाव प्रक्रिया जिल्हा परिषद मुख्य कार्यकारी अधिकारी अनिता मेश्राम, अतिरिक्त मुख्य कार्यकारी अधिकारी व उपमुख्य कार्यकारी अधिकारी दिगंबर लोखंडे यांच्या मार्गदर्शनाखाली अत्यंत पारदर्शकपणे पार पडली. महसुलाच्या दृष्टीने या विक्रमी लिलावाची जिल्ह्यात चर्चा होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
