Akola Drought Relief Measures: अकोला जिल्ह्यातील दुष्काळसदृश परिस्थितीत पाणीटंचाई आणि चाराटंचाईची शक्यता लक्षात घेऊन प्रशासनाकडून उपाययोजनांचे नियोजन करण्यात येत आहे.दुष्काळ निवारणासाठी जिल्हा वॉर रूम कक्षांतर्गत ‘विशेष दुष्काळ व्यवस्थापन प्राधिकरण’ स्थापन करण्यात आले असून, आवश्यक लोकोपयोगी कामांसाठी जिल्हा नियोजन समितीच्या निधीचा वापर करण्यात येणार आहे, अशी माहिती जिल्हाधिकारी वर्षा मीना यांनी दिली..दुष्काळी परिस्थितीतील उपाययोजनांची माहिती देण्यासाठी जिल्हाधिकारी कार्यालयात आयोजित पत्रकार परिषदेत त्या बोलत होत्या. जिल्हा परिषदेचे मुख्य कार्यकारी अधिकारी अनय नावंदर, महापालिका आयुक्त सुनील लहाने, उपवनसंरक्षक सुमंत सोळंके उपस्थित होते. दुष्काळाच्या पार्श्वभूमीवर पाणीपुरवठा, चारा उपलब्धता आणि नियोजित विकासकामांबाबतचे नियोजन करण्यात येत असल्याचे जिल्हाधिकारी मीना यांनी सांगितले. .Maharashtra Drought: दुष्काळ इष्टापत्ती ठरो!.दुष्काळी स्थितीत प्राधान्याने करावयाच्या कामांबाबत शासनाने दिलेल्या निर्देशांनुसार नियोजन पूर्णत्वास जात आहे. पाण्याची उपलब्धता करून घेण्याबरोबरच पाणी बचतीवरही भर देण्यात येत आहे. यासाठी माध्यम प्रतिनिधी आणि विविध क्षेत्रातील व्यक्तींनी जनजागृतीसाठी प्रयत्न करावेत, असे आवाहन त्यांनी केले..Maharashtra Drought: दुष्काळ जाहीर केला, पण आदेशच नाही.दुष्काळाच्या काळात नागरिकांच्या अडचणींचे वेळीच निराकरण करण्यासाठी जिल्हाधिकारी कार्यालयात २४ बाय ७ वॉर रूम सुरू करण्यात आली आहे. नागरिकांसाठी ८०६५९०९८४४ हe संपर्क क्रमांक देण्यात आला आहेत. तसेच सर्व संबंधित यंत्रणांच्या उपस्थितीत दर मंगळवारी सायंकाळी ५ वाजता संपूर्ण जिल्ह्यातील परिस्थितीचा आढावा घेण्यात येणार आहे..दुष्काळी परिस्थितीत वन्यप्राण्यांसाठी पाणवठेदुष्काळी परिस्थितीत वन्यप्राण्यांसाठी जंगलातील नैसर्गिक पाणवठ्यांबरोबरच उपलब्ध पाणीस्रोत आवश्यकतेनुसार विकसित करण्यात येतील, अशी माहिती उपवनसंरक्षक सुमंत सोळंके यांनी दिली..मोर्णा-महान जलवाहिनीयेत्या काही महिन्यांत पाणीटंचाई तीव्र होण्याची शक्यता लक्षात घेऊन अकोला शहराच्या पाणीपुरवठ्यासाठी मोर्णा ते महान अशी २७ किलोमीटर जलवाहिनी टाकण्यात येणार असल्याची माहिती महापालिका आयुक्त सुनील लहाने यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
