Akola News : जिल्ह्यात ऑगस्ट महिन्यात सर्वच प्रकल्प तुडुंब भरले आहेत. पावसाचा अद्याप एक महिना शिल्लक असल्याने या काळात हे प्रकल्प १०० टक्के भरतील हे निश्चित झाले आहे. यामुळे आगामी काळात रब्बी हंगाम तसेच उन्हाळ्यातील पिण्याच्या पाण्याची समस्या बऱ्याच अंशी मार्गी लागणार आहे. .सद्यःस्थितीत अकोला जिल्ह्यातील मोठ्या प्रकल्पांपैकी एक असलेल्या काटेपूर्णामध्ये ७६.३३६ दलघमी साठा असून तो ८८.४० टक्के इतका झाला आहे. जिल्ह्यातील दुसरा महत्त्वाचा प्रकल्प वान असून त्यात ६८.५६ दलघमी साठा तयार झाला. याची टक्केवारी ८३.६५ एवढी झालेली आहे. .Marathwada Water Storage : मराठवाड्यातील मोठ्या प्रकल्पांतील पाणीसाठा ९० टक्क्यांवर.प्रकल्पात आवक जोमाने सुरू असल्याने रविवारी (ता. २४) सायंकाळी दोन गेट ५० सेंटिमीटरने उघडून त्यातून ७३.८६ क्युसेक इतका विसर्ग वान नदी पात्रात करण्यात आला. मोर्णा प्रकल्पात ४१.४६ दलघमी साठा असून मोर्णा, निर्गुणा हे प्रकल्प १०० टक्के भरले आहेत..उमा प्रकल्पात ८.४७ दलघमी साठा झाला असून ६८.८६ टक्के हा प्रकल्प भरला. तर काटेपूर्णा प्रकल्पाच्या खालील भागात असलेला दगडपारवा प्रकल्प ६४.१८ टक्के भरला असून त्यात ६.५३ दलघमी साठा आहे. मागील आठवड्यात जोरदार पाऊस झाल्याने प्रकल्पांच्या पातळीत कमालीची वाढ झाल्याचे स्पष्ट झाले आहे. गेल्या वर्षीही याच काळात प्रकल्पात मोठा साठा झाला होता..Sangli Water Storage : सांगलीतील प्रकल्पांत ७३ टक्के पाणीसाठा.पावसाची समाधानकारक स्थितीयावर्षात असमतोल स्वरूपाचा पाऊस होत आलेला आहे. गेल्या आठवड्यात दमदार पाऊस झाल्याने ऑगस्ट महिन्याच्या सरासरीत वाढ होण्यास मदत झाली. मूर्तिजापूर तालुक्यात १०० टक्क्यांवर पाऊस झाला..येथे आजच्या तारखेपर्यंत तालुक्यात ५४३ मिलिमीटर पाऊस अपेक्षित असतो. तुलनेने ५४८.९ मिलिमीटर पाऊस झाला. सोबतच अकोट (९७.४), बाळापूर (९९.२), पातूर (९३.९), अकोला ८१.९), बार्शीटाकळी (९२.१), तेल्हारा (८८.५ टक्के) या तालुक्यांमध्येही चांगला पाऊस झाला. सप्टेंबर महिना शिल्लक असल्याने पुढील दिवसात उर्वरित वार्षिक सरासरी ओलांडण्याची अपेक्षा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
