Rural Crime: सुकळी शेतशिवारात विद्युत पंपाच्या केबल चोरीची धक्कादायक घटना उघडकीस आली असून अज्ञात चोरट्यांविरुद्ध गुन्हा दाखल करण्यात आला आहे. या घटनेमुळे पिकांना पाणी देण्यास अडथळा निर्माण झाल्याने शेतकऱ्यांसमोर मोठे संकट उभे ठाकले आहे..याबाबत प्रदीप भीमराव छबीले (रा. सुकळी नंदापूर) यांनी बोरगाव मंजू पोलीस ठाण्यात तक्रार दिली. त्यांच्या माहितीनुसार, गावालगतच्या शासकीय तलावातून शेतीसाठी पाणी उचलण्यासाठी सबमर्सिबल पंप बसविण्यात आला होता. पाण्याच्या पातळीनुसार पंपाला जोडलेली केबल वाढविण्यात येत होती..Agriculture Pump Cable Theft : भराडी बंधाऱ्यानजीक कृषिपंपाच्या विद्युत केबलची चोरी.२१ मार्च रोजी सकाळी पाणीपुरवठा सुरू करण्यासाठी तलावावर गेल्यावर सुमारे ४ हजार फूट लांबीची केबल चोरीस गेल्याचे लक्षात आले. पाहणीअंती अज्ञात चोरट्यांनी रात्रीच्या वेळी केबल कापून चोरी केल्याचे स्पष्ट झाले. या प्रकारात पाच ते सहा लाख रुपयांचे नुकसान झाल्याचा अंदाज व्यक्त करण्यात येत आहे..Agriculture Pump Cable Theft : भराडी बंधाऱ्यानजीक कृषिपंपाच्या विद्युत केबलची चोरी.या घटनेत केवळ छबिले यांच्याच नव्हे, तर गावातील अनेक शेतकऱ्यांच्या पंपांच्या केबल्स चोरीस गेल्या आहेत. यामध्ये ज्ञानेश्वर जवंजाळ, शरद पवार, गणेश छबीले, शरद छबीले, सुरेखा सारसे, गजानन छबीले, देवलाल सारसे, निलेश लोडम, ज्ञानेश्वर महले, सचिन सासरे, संतोष कडोळे, परमेश्वर साखरे, सतिश वसु, नागोराव उपराट, बाबुलाल सारसे, एकनाथ वाकडे, रमेश सारसे यांच्यासह इतर शेतकऱ्यांचा समावेश आहे. सर्व मिळून लाखो रुपयांचे नुकसान झाले आहे..दरम्यान, या चोरीमुळे शेतीसाठी आवश्यक पाणीपुरवठा पूर्णपणे खंडित झाला असून शेतकऱ्यांमध्ये संतापाची लाट उसळली आहे. घटनेची माहिती अकोला पूर्वचे आमदार रणधीर सावरकर यांना देण्यात आली. त्यांनी तत्काळ जिल्हा पोलीस अधीक्षक अर्चित चांडक यांच्याशी संपर्क साधत तपास वेगाने करण्याच्या सूचना दिल्या. यानंतर स्थानिक गुन्हे अन्वेषण शाखेचे पोलीस निरीक्षक शंकर शेळके यांनी पथकासह घटनास्थळी भेट देऊन पाहणी केली. शेतकऱ्यांच्या फिर्यादीवरून अज्ञात आरोपींविरुद्ध गुन्हा दाखल करण्यात आला असून पुढील तपास सुरू आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
