Ajit Pawar Plane Crash AAIB Preliminary Report: राज्याचे दिवंगत माजी उपमुख्यमंत्री अजित पवार यांच्या विमान अपघाताबाबतचा २२ पानांचा प्राथमिक अहवाल समोर आला आहे. विमान अगोदर झाडांना धडकले आणि त्यानंतर ते धावपट्टीच्या बाहेर जमिनीवर कोसळल्याचे त्यात म्हटले आहे. अजित पवार प्रवास करत असलेले व्हीएसआर एव्हिएशनचे विमान बारामती विमानतळावर ३ हजार मीटर (३ किमी) दृश्यमानता असताना खाली उतरण्याचा प्रयत्न केला. व्हिज्युअल फ्लाइट रूल्स (VFR) अंतर्गत विमान उतरण्यासाठी दृश्यमानता किमान ५ हजार मीटर (५ किमी) असायला हवी, असे विमान अपघात तपास ब्युरो (AAIB) ने अहवालात नमूद केले आहे..२८ जानेवारी २०२६ रोजी हा विमान अपघात झाला होता. या घटनेबाबत एएआयबीच्या अहवालात असे म्हटले आहे की, व्हीटी-एसएसके विमानातील क्रूने विमान बारामती जवळ आल्यानंतर दृश्यमानता किती आहे, याची माहिती विचारली आणि टॉवरकडून त्यांना दृश्यमानता ३ हजार मीटर असल्याचे सांगण्यात आले. व्हीएफआर नियमांनुसार, ज्या विमानतळावर इन्स्ट्रुमेंट लँडिंग सुविधा उपलब्ध नाही, तिथे विमान उतरण्यासाठी किमान ५ हजार मीटर दृश्यमानता आवश्यक असते..Ajit Pawar Plane Crash: कसा झाला विमानाचा अपघात ?.पहिल्या प्रयत्नात वैमानिकांनी विमानतळाची धावपट्टी दिसत नसल्यामुळे विमान पुन्हा उंचीवर नेत फेरफटका मारला. सकाळी ८:४३ वाजता क्रूने विमानतळ दिसत असल्याचे कळवले. सोळा सेकंदांनंतर टॉवरकडून विमान उतरवण्यास परवानगी मिळाली. त्यानंतर १४ सेकंदांनी विमान धावपट्टीच्या पलीकडे झाडावर आणि जमिनीवर कोसळ्यापूर्वी क्रूने 'Oh St… Oh St…' असे म्हटले होते..Devendra Fadnavis On Ajit Pawar: 'मित्रशोक आपल्या अंतस्थ आत्म्यालाही जाळतो', अजितदादांच्या आठवणींनी मुख्यमंत्री फडणवीस भावूक.या अहवालानुसार, सकाळी ८:४५ ते ९:१२ दरम्यानच्या इन्सॅट-3डीआरकडून मिळालेल्या उपग्रह प्रतिमांमध्ये बारामतीवर काही ठिकाणी हलके धुके होते. बारामती विमानतळाच्या धावपट्टीचे अखेरचे नुतनीकरण मार्च २०१६ मध्ये करण्यात आले होते. तेव्हापासून, त्याचे नुतनीकरण करण्यात आलेली नाही. ज्यामुळे धावपट्टीवरील चिन्हांकन स्पष्ट दिसत नाहीत, असे अहवालात स्पष्टपणे नमूद केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
