ठळक मुद्देअतिवृष्टीने शेतीचे झालेले नुकसान पाहून टीम इंडियाचा क्रिकेटपटू अजिंक्य रहाणे भावूकअशा कठीण काळात आपण शेतकऱ्यांसोबत उभे राहूयारहाणेचे आवाहन, इन्स्ट्राग्रामवर व्हिडिओ केला शेअर.Ajinkya Rahane : राज्यात गेल्या काही दिवसांपासून अतिवृष्टीने ( Maharashtra Heavy Rain) मोठे नुकसान झाले. याचा सर्वाधिक फटका मराठवाड्याला बसला. शेती उद्ध्वस्त झाली असून पिके खरडून गेली आहेत. हे नुकसान झालेले पाहून शेतकरी कोलमडून गेला आहे. अशा परिस्थितीत अतिवृष्टीने शेतीचे झालेले नुकसान पाहून टीम इंडियाचा क्रिकेटपटू अजिंक्य रहाणे भावूक झाला आहे. तो स्वतः एका शेतकरी कुटुंबातील आहे. त्याने शेतकऱ्यांसाठी मदतीचे आवाहन केले आहे. याबाबत राहणेने इन्स्ट्राग्रामवर एक व्हिडिओ शेअर केला आहे..शेतकरी हा आपल्या देशाचा कणा आहे. अशा कठीण काळात आपण शेतकऱ्यांसोबत उभे राहूया, असे आवाहन त्याने केले आहे. ''गेली अनेक दिवस महाराष्ट्रातील बऱ्याच भागात अतिपाऊस झाला आहे. शेतकऱ्यांचे बरेच नुकसान झाले आहे. मी स्वतः एका शेतकरी कुटुंबातील आहे. यामुळे मला जाणीव आहे की अशा परिस्थितीत शेतकऱ्याला किती त्रास होतो?. वर्षानुवर्षे शेतकरी शेतीमध्ये मेहनत करत असतो. जे काही आपल्या ताटात असते, जेवायला मिळेत ते शेतकऱ्यांच्या महेनतीमुळे. सरकार आपल्यापरीने मदत करत आहे. पण प्रत्येक माणसाची जबाबदारी आहे. आपण शेतकऱ्यांच्या पाठीशी उभे राहावे. माझ्यापरीने मी मदत करत आहे. अशा परिस्थितीत शेतकऱ्यांना आपल्याकडून जी मदत करता येईल; जो आधार देता येईल, तो नक्का द्या. शेतकरी आपला कणा आहे. शेतकऱ्याच्या पाठीशी उभे राहण्याची हीच वेळ आहे. त्याला आता आपल्या मदतीची गरज आहे.'' असे भावनिक आवाहन रहाणेने केले आहे..त्याच्या व्हिडिओवर यूजर्संनी जोरदार प्रतिसाद दिला आहे. ''शेतकऱ्याचे दुःख शेतकरीच समजू शकतो,'' असे कमेंट्स यूजर्संनी केल्या आहेत. .सध्या मराठवाड्यावर अतिवृष्टीने भयंकर संकट आले आहे. शेती, घरांचे मोठे नुकसान झाले आहे. या पार्श्वभूमीवर शेतकऱ्यांच्या मदतीसाठी आवाहन केले जात आहे. ओला दुष्काळ जाहीर करण्याची मागणी केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
