Ahilyanagar News : शेतकऱ्यांवर आपत्ती आली, त्यांना मदत करण्यासाठी पाच रुपये मागितले, तर तुम्ही त्यात राजकारण करता. शेतकऱ्यांसाठी पैसे हे शेतकऱ्यांच्या एफआरपीमधून नव्हे तर साखर कारखान्यांच्या नफ्यातून मागितले. काही लोकांनी त्याचे राजकारण केले. .शेतकऱ्यांच्या उसाचा काटा मारून पैसे जमा करता आणि शेतकऱ्यांसाठी २५ लाख रुपये देण्याची दानत नाही. शेतकऱ्यांच्या मदतीसाठी पैसे मागितले, की त्यात राजकारण करता. शेतकऱ्यांना मदतीची तुमच्यात दानत नाही. राज्यात असे काही कारखाने आहेत, जिथे शेतकऱ्यांचा काटा मारला जातो. आता त्यांना मी दाखविणार आहे, असा सज्जड दमच मुख्यमंत्री देवेंद्र फडणवीस यांनी दिला..नुकसानग्रस्त शेतकऱ्यांना मदत करण्यासाठी पैसे मागितल्या बाबतचा खुलासा करत लोणी (ता. राहाता) येथे झालेल्या सभेत श्री. फडणवीस म्हणाले, ‘‘राज्यातील शेतकऱ्यांवर अतिवृष्टी, पुराने आपत्ती आली आहे. त्यासाठी सरकार शेतकऱ्यांच्या पाठीशी खंबीरपणे उभे आहे. शेतकऱ्यांना भरीव मदत मिळावी यासाठी सरकार काम करत आहे. .Sugarcane Bill: प्रति टन १५ रुपये कपातीतून शेतकऱ्यांच्या पैशांवर दरोडा.शेतकऱ्यांना मदत करण्यासाठी शेतकऱ्यांच्या ‘एफआरपी’मधून पैसे मागितले नव्हते, तर साखर कारखान्यांच्या नफ्यातून पाच रुपये मागितले होते. मात्र काही लोकांनी यात राजकारण केले. मी असे काही कारखाने शोधले आहेत की तिथे काटा मारला जातो. शेतकऱ्यांच्या उसाचा काटा मारता आणि पंचवीस लाख रुपये मदतीसाठी मागितले, की त्यात राजकारण करता. शेतकऱ्यांचा उसाचा काटा मारणाऱ्या अशा कारखान्यांना मी आता दाखवणार आहे.’’.Sugarcane Crop Loss: अतिवृष्टीचा उसाला मोठा दणका.सहकारी संस्था बळकट करण्यासाठी केंद्र सरकारने आठ ते दहा हजार कोटी रुपये उपलब्ध करून दिले. सरकार कारखानदारीला बळकटी दिली. साखर कारखानदारीतील मक्तेदारी मोडीत काढली. कोणत्याही सहकारी साखर कारखान्याचे तुम्ही मालक नाहीये, याचा मालक शेतकरी आहे..शेतकऱ्यांच्या मागे उभा राहण्याचे काम सरकार करेल. अहिल्यानगर जिल्हा तसेच मराठवाड्यातील दुष्काळी भागाला सुजलाम् सुफलाम् करण्यासाठी समुद्राला वाहून जाणारे पाणी वळविण्याचे काम राज्य सरकार करणार आहे. त्यासाठीची प्रक्रिया सुरू झाली असून, बहुतांश मंजुऱ्या मिळाल्या असल्याचे श्री. फडणवीस यांनी या वेळी स्पष्ट केले. या वेळी उपमुख्यमंत्री एकनाथ शिंदे, उपमुख्यमंत्री अजित पवार यांची भाषणे झाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
