Nagpur News : फळांची गुणवत्ता असल्यास अशा फळांना बाजारपेठेत मागणी वाढत अपेक्षित दर मिळतो. नजिकच्या काळात एआय तंत्रज्ञान फळांचा दर्जा राखण्यास सहाय्यभूत ठरत असल्याचे निरीक्षण आहे. संत्रा, मोसंबी बागायतदारांनीदेखील या तंत्रज्ञानाचा अवलंब वाढवीत बाजारपेठेत अधिकचा दर मिळवावा, असे आवाहन नवअनंत शेतकरी उत्पादक कंपनीचे अध्यक्ष राकेश मानकर यांनी केले. .म्हसेपठार येथील नवअनंत शेतकरी उत्पादक कंपनीच्या वतीने संत्रा, मोसंबी पिकात एआय तंत्रज्ञानाचा वापर तसेच स्पेनमधील टॅगो संत्रा वाणाचे व्यवस्थापन व उत्पादकता या विषयावर कार्यशाळेचे आयोजन करण्यात आले होते. .Ai in Agriculture: द्राक्ष शेतीतही ‘एआय’ला चालना देणार : पवार.या वेळी अध्यक्षपदावरून ते बोलत होते. ‘महाऑरेंज’चे कार्यकारी संचालक मनोज जवंजाळ, कृषीविद्यावेत्ता गौरव बिजवे, फळपीक विमा शेतकरी प्रतीनिधी पुष्पक खापरे, कळमेश्वर खरेदी-विक्री संघाचे अध्यक्ष बाबाराव कोठे, बाजार समिती सभापती बाबाराव पाटील, मोहपा येथील प्रगतिशील शेतकरी कृष्णराव हळदे, माजी सभापती वैभव घोंगे, प्रशांत कुकडे, त्र्यंबक मानकर, बाबाराव कडू यांची या वेळी उपस्थिती होती. .गौरव बिजवे यांनी या वेळी एआय तंत्रज्ञानाचा विविध पिकांतील वापर, त्याकरिता लागणारी यंत्रणा, त्याचे फायदे व अपेक्षित खर्च या विषयी सविस्तर महिती दिली. बांगलादेशकडून सातत्याने संत्रा आयात शुल्कात वाढ करण्यात आली. त्याबरोबरच त्या देशात राजकीय अस्थिरता देखील आहे. .AI In Sugarcane Farming : ‘एआय’च्या वापरासाठी ऊस उत्पादक शेतकरी आले पुढे.त्याचा परिणाम नागपुरी संत्र्यांच्या निर्यातीवर झाला आहे. भारतदेखील फळांची मोठी बाजारपेठ आहे. सध्या ग्राहकांकडून चांगले पैसे मोजत फळांची खरेदी होते. त्याकरिता फळांचा दर्जा योग्य असावा, अशी माफक अपेक्षा त्यांची राहते. त्यामुळे उत्पादनाच्या वेळी फळांच्या गुणवत्ता सुधारावर भर देण्याची गरज सुधीर दिवे यांनी व्यक्त केली..पुष्पक खापरे यांनी सुधारित फळपीक वीमा योजना, त्यातील गुणदोष याविषयीची मांडणी केली. मनोज जवंजाळ यांनी संत्रा बाग कीड-रोगमुक्त हवी असल्यास त्याकरिता लागवडीच्या वेळी गुणवत्तापूर्ण रोपांची खरेदी महत्त्वाची असल्याचे सांगितले. .रोगट रोपांमुळे अनेक शेतकऱ्यांवर बागा काढण्याची वेळ आली. परिणामी तंत्रज्ञानाबरोबरच रोपांचा दर्जादेखील महत्त्वाचा ठरतो, असेही त्यांनी सांगितले. सूत्रसंचालन शेतकरी कंपनीच्या संचालक हर्षलता मानकर यांनी केले. आशुतोष तभाने यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
