Jalna News : ऊस शेतीत कृत्रिम बुद्धिमत्ता तंत्रज्ञानाच्या वापरासाठी कर्मयोगी अंकुशराव टोपे समर्थ सहकारी साखर कारखान्याने पुढाकार घेतला आहे. त्या पुढाकारातून हे तंत्रज्ञान वापरण्यासाठी सुमारे ६० शेतकरी पुढे आले, असल्याची माहिती कारखान्याच्या वतीने मुख्य शेतकी अधिकारी प्रशांत शेळके यांनी दिली..माहितीनुसार, ऊस शेतीमध्ये उत्पादन खर्च कमी करून, एकरी उत्पादनात वाढ करण्यासाठी कृषी विज्ञान केंद्र, बारामती, वसंतदादा शुगर इन्स्टिट्यूट, पुणे व महाराष्ट्र राज्य सहकारी साखर कारखाना संघ यांच्या संयुक्त विद्यमाने कृत्रिम बुद्धिमत्ता तंत्रज्ञानाचा वापर करण्याकरिता सामंजस्य करार झाला आहे. ऊस उत्पादक शेतकऱ्यांना उत्पादन खर्च कमी करून एकरी उत्पन्न वाढविण्यासाठी कृत्रिम बुद्धिमत्ता तंत्रज्ञानाचा वापर करणे करिता कारखान्याने ठोस पाऊल उचलले आहे. .AI In Sugarcane Farming : ‘एआय’ तंत्राने ऊस उत्पादनावाढ शक्य.जुलै महिन्याच्या सुरुवातीलाच या संदर्भात शेतकरी मेळाव्यात शेतकऱ्यांना मार्गदर्शन करण्यात आले. त्या वेळी पुढे आलेल्या शेतकऱ्यांपैकी सुमारे ६० शेतकऱ्यांनी रक्कम भरल्याचेही श्री. शेळके म्हणाले. या तंत्रज्ञान वापरामुळे पाण्यामध्ये व खतांमध्ये ३० ते ४० टक्के बचत होत असल्याचे पुढे आले आहे. .शिवाय ऊस उत्पादनात ३० ते ४० टक्के वाढ होत, असल्याचे प्रयोगातून सिद्ध झाले आहे. अतिरिक्त पाण्याच्या व रासायनिक खतांच्या वापरामुळे जमिनीची उत्पादकता कमी होत चालली आहे. जमिनीचा पोत खराब होत चालला असल्याचा निष्कर्ष पुढे आला आहे. शेतकऱ्यांना तंत्रज्ञान कळावे यासाठी कारखान्याच्या दोन्ही बेणे प्लॉट वरती कृत्रिम बुद्धिमत्ता तंत्रज्ञान वापराचे यंत्र बसविले जाणार आहे. कारखाना प्रक्षेत्रावर तसेच शेतकऱ्यांच्या शेतावर तंत्रज्ञान अंमलबजावणी होण्यासाठीची प्रक्रिया सुरू असल्याची माहिती ही श्री. शेळके यांनी दिली..AI In Sugarcane : ऊस शेतीत ‘एआय’ वापरासाठी ‘केडीसीसी’कडे अर्ज करा.‘त्या’ शेतकऱ्यांना ९२५० रुपये अनुदानकृत्रिम बुद्धिमत्ता तंत्रज्ञान ऊस शेतीमध्ये बसविण्यासाठी प्रति हेक्टरी सुमारे २५००० रुपये एवढा खर्च येतो. वसंतदादा शुगर इन्स्टिट्यूट, पुणे यांच्या कडून महाराष्ट्रातील पहिल्या १० हजार शेतकऱ्यांना ९२५० रुपये एवढे अनुदान देण्यात येणार आहे. उर्वरित १५ हजार ७५० रुपये एवढी रक्कम शेतकऱ्यांना अदा करावी लागणार आहे..समर्थ बँकेमार्फत कर्जएआयसाठी लागणारे अर्थसाह्य कारखान्याच्या हमीवर समर्थ बँकेमार्फत उपलब्ध करून दिले जाणार आहे. तसेच त्यासाठी आवश्यक असणारे ठिबक सिंचन संच, ऊस रोपे व संगोपनासाठी लागणारा खर्च इत्यादीसाठी सुद्धा समर्थ बँक कर्ज उपलब्ध करून देणार, असल्याची माहिती कारखण्याच्यावतीने श्री. शेळके यांनी दिली..ऊस पिकाचा उत्पादन खर्च कमी करून व उत्पन्नात वाढ करण्यासाठी तसेच जमिनीचे आरोग्य सुधारण्यासाठी कृत्रिम बुद्धिमत्ता तंत्रज्ञानाचा वापर जास्तीत जास्त ऊस उत्पादकांनी करावा. त्याकरिता आवश्यक असणारे सर्व सहकार्य करण्यास कारखाना तयार आहे.- राजेश टोपे, माजी मंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
