Government School Awards : अहिल्यानगर शिक्षक दिनानिमित्त अहिल्यानगर जिल्हा परिषदेकडून देण्यात येणारे जिल्हा शिक्षक पुरस्कार जाहीर करण्यात आले आहेत. चौदा शिक्षक आणि दोन केंद्रप्रमुखांना या पुरस्काराने गौरविण्यात येणार आहे..जिल्हा परिषदेकडून दरवर्षी चांगले काम करणाऱ्या शिक्षकांना जिल्हा शिक्षक पुरस्काराने गौरविले जाते. यंदा या प्रक्रियेसाठी शिक्षक आणि केंद्रप्रमुख यांची १०० गुणांची प्रश्नावली अद्ययावत करून जिल्हा परिषद अहिल्यानगरच्या संकेतस्थळावर प्रसिद्ध करण्यात आली होती. सहभागी होऊ इच्छिणाऱ्या शिक्षक आणि केंद्रप्रमुखांनी पंचायत समिती कार्यालयामध्ये स्वयंमूल्यमापन करून प्रश्नावली जमा केली. प्रत्येक तालुक्यातून आलेल्या प्रस्तावांची गटशिक्षणाधिकारी आणि विस्तार अधिकारी (शिक्षण) यांच्यामार्फत पडताळणी करण्यात आली. त्यानंतर तीन शिक्षक (त्यामध्ये एक शिक्षिका) आणि एका केंद्रप्रमुखाचे प्रस्ताव पाठविण्यात आले..Village Study Center : गावातील अभ्यासिका ठरली शिक्षक घडविणारी शाळा.गटशिक्षणाधिकारी, विस्तार अधिकारी (शिक्षण) आणि केंद्रप्रमुखांचे तालुके बदलून पथक परीक्षण करण्यात आले. त्याचप्रमाणे प्रस्ताव प्राप्त शिक्षक आणि केंद्रप्रमुखांची २५ गुणांची लेखी परीक्षा घेण्यात आली. मुख्य कार्यकारी अधिकारी आनंद भंडारी यांच्या अध्यक्षतेखाली जिल्हा निवड समितीची बैठक झाली. पथकाकडून प्राप्त १०० गुणांची प्रश्नावली आणि लेखी परीक्षेचे २५ गुण, असे एकूण १२५ गुणांपैकी सर्वाधिक गुण मिळविणाऱ्या प्रत्येक तालुक्यातील एका शिक्षकाचा प्रस्ताव विभागीय आयुक्तांकडे मान्यतेसाठी पाठविण्यात आला..Shetakari Mitra: बीड तालुक्यासाठी ४८ ‘शेतकरी मित्र’ निवडणार.यंदाचे जिल्हा शिक्षक पुरस्कारप्राप्त शिक्षकसुमन गणपत खतोडे, (नवलेवाडी, ता. अकोले),दीपाली काशिनाथ रेपाळ, (जाखुरी, ता. संगमनेर),सुनील किसन पोरे, (घोयेगाव, ता. कोपरगाव),संदीप जनार्दन कोरडे, (गोर्डेवस्ती, ता. राहाता),स्वाती तान्हाजी पटारे, (अशोकनगर, ता. श्रीरामपूर),.सुवर्णा मोहन कचरे, (कुक्कडवेढे, ता. राहुरी),राहुल अशोक आठरे, (भालगाव, ता. नेवासे),सुरेखा काशिनाथ खाडे, (रांजणी, ता. पाथर्डी),अमोल पंढरीनाथ पवार, (बावी, ता. जामखेड),अमोल भीमराव हुमे, (अंबिकानगर, ता. कर्जत),शहाजी दत्तात्रय खराडे, (भानगाव, ता. श्रीगोंदे),प्रवीणकुमार रभाजी झावरे, (टाकळी ढोकेश्वर, ता. पारनेर),मनोज मच्छिंद्र काशीद, (खोसपुरी, ता. अहिल्यानगर),किशोर एकनाथ मिसाळ, (झिरपेवस्ती, ता. शेवगाव),बाळासाहेब रामभाऊ जाधव, (केंद्रप्रमुख, धांदरफळ बु., ता. संगमनेर)व रामराव माणिकराव निकम, (केंद्रप्रमुख, पाटोदा, ता. जामखेड).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
