Kharif Season:अहिल्यानगर जिल्ह्यातील सात तालुक्यांत यंदा पावसाची मोठी तूट झाली आहे. या तालुक्यांत ५० टक्क्यांपेक्षा कमी पाऊस झाला आहे. पावसाअभावी खरीप हंगामातील बहुतांश पिके वाया गेली असून, चाऱ्याचा तसेच काही भागांत पिण्याच्या पाण्याचा प्रश्न आतापासूनच निर्माण झाला आहे. जिल्ह्यातील सर्व तालुक्यांत शासनाने दुष्काळ जाहीर केला असला, तरी आता दुष्काळी उपाययोजनांची प्रतीक्षा आहे..अहिल्यानगर जिल्ह्यात यंदा जून महिन्यात उशिरा पावसाला सुरुवात झाली. त्यामुळे खरीप हंगामातील पिकांची वेळेवर पेरणी झाली नाही. खरीप हंगामात मूग, उडीद ही पिके शेतकऱ्यांसाठी महत्त्वाची आहेत. या दोन्ही पिकांच्या पेरणीचा कालावधी निघून गेल्याने त्यांचे क्षेत्र घटले. त्यानंतर ऑगस्ट महिन्यात दीर्घकाळ पावसाने हजेरी लावली नाही. पुरेसा पाऊस न झाल्याने खरीप हंगामातील पिकांना मोठा फटका बसला..Kharif Distress : पिकांनी टाकल्या माना; चिंता वाढली.शेतकऱ्यांनी मशागत, बियाणे, खते आणि इतर बाबींवर केलेला खर्च वाया गेल्याने आर्थिक संकट आणखी वाढले आहे. जिल्ह्यात यंदा आतापर्यंत सरासरीच्या ६८ टक्के पाऊस झाला आहे. त्यात अकोले तालुक्यात झालेल्या पावसामुळे जिल्ह्याची एकूण आकडेवारी वाढली आहे. मात्र, जामखेड, शेवगाव, पाथर्डी, नेवासा, राहुरी, श्रीरामपूर आणि राहाता या सात तालुक्यांत ५० टक्क्यांपेक्षा कमी पाऊस झाला आहे..Rainfall Deficit: तूर खुंटली, कपाशी काळवंडली, सोयाबीन करपले.हातात पीक नसताना पुढील हंगामासाठी पैसा कोठून आणायचा, असा प्रश्न शेतकऱ्यांसमोर निर्माण झाला आहे. खरीप पिके वाया गेल्याने चारा पिकांवरही परिणाम झाला आहे. त्यामुळे चाऱ्याचा प्रश्न गंभीर होऊ लागला आहे..पशुधन वाचविण्याचे मोठे आव्हान शेतकऱ्यांसमोर आहे. पाणी उपलब्ध नसतानाच हिरवा आणि सुका चारा मिळणेही कठीण झाले आहे. त्यामुळे जनावरे जगवायची कशी, असा प्रश्न शेतकऱ्यांपुढे निर्माण झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
