Maharashtra Agriculture : अहिल्यानगर पुण्यश्लोक अहिल्यादेवी होळकर शेतकरी कर्जमुक्ती योजनेंतर्गत तिसऱ्या टप्प्यातील कर्जमाफीची रक्कम संबंधित शेतकऱ्यांच्या कर्जखात्यावर जमा झाली आहे. जिल्ह्यातील ९ हजार १६६ शेतकऱ्यांना ८८ कोटी ८१ लाख रुपये जमा झाले आहेत. त्यामध्ये जिल्हा बँकेच्या ६ हजार ७२७ शेतकऱ्यांचा समावेश असून, त्यांच्या कर्जखात्यावर ६२ कोटी ८४ लाख रुपये जमा झाले आहेत. लाभार्थी शेतकऱ्यांना तातडीने पीककर्ज वितरित करण्याचे आदेश देण्यात आले आहेत..आतापर्यंत जिल्ह्यातील १ लाख ९ हजार २९० शेतकऱ्यांना १ हजार ३८ कोटी ८२ लाख रुपयांची कर्जमाफी मिळाली आहे. जूनमध्ये झालेल्या मंत्रिमंडळाच्या बैठकीत पुण्यश्लोक अहिल्यादेवी होळकर शेतकरी कर्जमुक्ती योजनेस मान्यता दिल्यानंतर याची प्रक्रिया सुरू झाली. त्यानंतर जुलैमध्ये योजनेत अंशतः सुधारणा करण्यात आली..Crop Damage Survey: परभणी जिल्ह्यात पीक नुकसान पंचनामे वेगाने.या योजनेतील कर्जमुक्ती आणि एकवेळ समझोता या घटकांच्या अंमलबजावणीसाठी राज्यातील ३० जिल्हा मध्यवर्ती सहकारी बँका, १२ राष्ट्रीयीकृत बँका आणि इतर खासगी बँका अशा एकूण ५३ बँकांनी शेतकऱ्यांच्या कर्जखात्यांची माहिती महाआयटीमार्फत विकसित केलेल्या पोर्टलवर अपलोड केली. विविध बँकांनी सुमारे ३२ लाख कर्जखात्यांची माहिती पोर्टलवर अपलोड केली आहे..Crop Damage Inspection : जिल्हाधिकारी राहुल कर्डिले थेट दुचाकीवरून शिवारात.योजनेच्या निकषानुसार पात्र ठरलेल्या थकबाकीदार शेतकऱ्यांपैकी राज्यातील सुमारे २०.१५ लाख शेतकऱ्यांची यादी आधार प्रमाणीकरणासाठी प्रसिद्ध करण्यात आली आहे. संबंधित कर्जखात्यांचे आधार प्रमाणीकरण करण्यात आले आहे. या योजनेअंतर्गत तीन टप्प्यांत शेतकऱ्यांच्या कर्जखात्यांवर कर्जमाफीची रक्कम वर्ग करण्यात आली. योजनेचा लाभ मिळालेल्या लाभार्थ्यांना तातडीने पीककर्ज वाटप करण्याबाबत सर्व बँकांना शासनामार्फत निर्देश देण्यात आले आहेत. प्रसिद्ध केलेल्या यादीतील अद्याप आधार प्रमाणीकरण न केलेल्या शेतकऱ्यांनी जवळच्या ‘आपले सरकार’ सेवा केंद्रात जाऊन आधार प्रमाणीकरणाची प्रक्रिया पूर्ण करावी. आधार प्रमाणीकरण झालेल्या शेतकऱ्यांना योजनेच्या निकषानुसार लाभाची रक्कम थेट कर्जखात्यात वितरित करण्यात येईल..अहिल्यानगर जिल्ह्यातील जिल्हा बँकेच्या कर्जमाफीची स्थिती(शेतकरी संख्या व कंसात रक्कम)पहिला टप्पा : ६६,१३९ शेतकरी (६२७.४७ कोटी रुपये)दुसरा टप्पा : ३६,४२४ शेतकरी (३४८.५१ कोटी रुपये)तिसरा टप्पा : ६,७२७ शेतकरी (६२.८४ कोटी रुपये).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
