Ahilyanagar News : पुर, पावसाने राज्यातील विविध भागात शेतीचे तसेच शेतकऱ्यांच्या जमीनीसह अनेक बाबीचे नुकसान सुरु आहे. त्या पार्श्वभूमीवर अहिल्यानगर जिल्हा सहकारी बॅंकेकडून १ कोटी ११ लाखाची आपत्तीसाठी मुख्यमंत्री सहाय्यता निधीला मदत देण्याचा निर्णय सर्वसाधारण सभेत घेतला. शेतीचे, शेतकऱ्यांचे मोठे नुकसान झाले असून कर्जमाफी करावी अशी मागणी सभासदांनी केल्यावर त्यासाठी शासनाकडे पाठपुरावा करण्याचा निर्णय झाला..अहिल्यानगर जिल्हा सहकारी बॅंकेची वार्षिक सर्वसाधारण सभा गुरुवारी (ता. २५) बॅंकेचे अध्यक्ष आमदार शिवाजी कर्डिले यांच्या अध्यक्षतेखाली झाली. पालकमंत्री राधाकृष्ण विखे पाटील, विधान परिषदेतील सभापती राम शिंदे यांच्यासह आमदार मोनिका राजळे, माजी खासदार डॉ. सुजय विखे पाटील, उपाध्यक्ष माधवराव कानवडे, संचालक उपस्थित होते. .Farmer Loan Waiver: कर्जमाफीचा शब्द पाळू; उपमुख्यमंत्री अजित पवार यांच शेतकऱ्यांना आश्वासन.बॅंकेच्या ठेवी नऊ हजार कोटींच्या आहेत. सभासदांच्या विश्वासावर बॅंकेचे संचालक मंडळ चांगले काम करीत आहे. साखर कारखाने, सहकारी संस्थांबरोबरच सर्वसामान्य शेतकऱ्यांनाही आर्थिक संकटातून बाहेर येण्यासाठी प्रयत्न होत आहेत. शेतकऱ्यांना सध्याच्या संकटातून बाहेर येण्यासाठी सरकारला कर्जमाफी करावीच लागणार आहे. यावेळी संचालक मंडळाने सर्व विषयाला मंजुरी दिली..राज्यासह जिल्ह्यात अतिवृष्टीचे संकट मोठे आहे. शेतीबरोबरच पशुधनाचे मोठे नुकसान झाले. ज्या शेतात जाणेच शक्य नाही, अशा ठिकाणचे पीक नोंदीनुसार पंचनामे करण्यात येतील. कर्जमुक्तीबाबत लवकरच मुख्यमंत्र्यांशी बोलून जनतेच्या भावना पोहोचविणार आहे. कर्जमाफीसाठी प्रयत्न करू. जे नियमित कर्ज भरतात, त्यांनाही दिलासा मिळणार आहे. .Farmer Loan Waiver : कर्जमुक्तीसाठी‘हर घर, हर खेत काला झेंडा’.सिंचन व्यवस्थेसाठी ७० हजार कोटींचा खर्च अपेक्षित आहेत. आगामी काळात जिल्हा दुष्काळमुक्त, पारनेरमधील सातही उपसा सिंचन योजनेला मान्यता देऊन सर्वेक्षण सुरू झाले आहे असे विखे म्हणाले. दरम्यान सभेत अनेक सभासदांनी शेतकऱ्यांचे मोठे नुकसान झाले असून कर्जमाफी करण्याची मागणी केली. त्यावर सरकारकडे पाठपुरावा करणार असल्याचे सांगण्यात आले..क्यूआर कोडचा प्रारंभजिल्हा मध्यवर्ती सहकारी बॅंकेच्या क्यूआर कोड (QR Code) सेवेचा प्रारंभ करण्यात आला. व्यवहार अधिक वेगवान, सुरक्षित व सोईस्कर करण्यासाठी ही तंत्रज्ञान संपन्न योजना ग्राहकांसाठी उपलब्ध झाली आहे. क्यूआर कोडमुळे शेतकरी, ग्राहकांना व्यवहार करताना वेळेची बचत होईल तसेच ग्रामीण व शहरी भागातील ग्राहकांना अत्याधुनिक डिजिटल बँकिंगचा अनुभव मिळेल असे सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
