Maharashtra Sarpanch Conference 2026: राज्याच्या कृषिकेंद्रित ग्रामविकासाला सरपंचांच्या प्रशिक्षणातून नवी दिशा देणारी ‘सकाळ अॅग्रोवन’ची विभागीय सरपंच महापरिषद उद्या (ता. ३१) पुण्यात होत आहे. राज्याचे ग्रामविकासमंत्री जयकुमार गोरे आणि कृषिमंत्री दत्तात्रय भरणे यांच्या प्रमुख उपस्थितीत होणाऱ्या या परिषदेची जय्यत तयारी सुरू आहे..पुण्यातील संगमवाडी येथील डेक्कन कॉलेजच्या सभागृहात सकाळी ९.४५ वाजता परिषदेचे उद्घाटन होणार आहे. या परिषदेत पुणे, सातारा, सोलापूर आणि अहिल्यानगर जिल्ह्यांतील ५०० हून अधिक निवडक सरपंच सहभागी होणार आहेत..Global Agritourism Conference: जागतिक कृषी पर्यटन परिषदेस अबर्डीन येथे मंगळवारी प्रारंभ.महाराष्ट्र राज्य आदर्श गाव संकल्प व प्रकल्प समितीचे कार्याध्यक्ष पोपटराव पवार, ‘सकाळ माध्यम समूहा’चे अध्यक्ष प्रतापराव पवार, ‘यशदा’चे महासंचालक डॉ. सुहास दिवसे, उपमहासंचालक डॉ. मल्लिनाथ कलशेट्टी, तसेच यशदाच्या जलसाक्षरता केंद्राचे माजी कार्यकारी संचालक डॉ. सुमंत पांडे यांचे प्रमुख मार्गदर्शन परिषदेला लाभणार आहे..ग्रामविकास आणि शेती व्यवस्थापनासाठी सरपंचांना सक्षम करणे हे या परिषदेचे मुख्य उद्दिष्ट आहे. त्यासाठी विविध विषयांवर तज्ज्ञांचे मार्गदर्शन आणि मंथन होणार आहे. गावाच्या कृषी विकासात सरपंचांची भूमिका, शाश्वत ग्रामविकासासाठी उपलब्ध संधी, ग्रामपंचायतीला मिळणाऱ्या निधीचे नियोजन आणि त्याचा प्रभावी वापर यांसारख्या महत्त्वाच्या विषयांवर चर्चा होणार आहे. या विभागीय परिषदेसाठी पुणे विभागातील गावांचे प्रतिनिधित्व करणाऱ्या अनुभवी, सुशिक्षित, युवा तसेच महिला सरपंचांची निवड करण्यात आली आहे.Agriculture Conference: पांडवादेवी येथे उद्या कृषी परिषदेसह प्रदर्शन.सरपंच महापरिषदेचे मुख्य प्रायोजक म्हणून फिनोलेक्स प्लासन इंडस्ट्रीज प्रायव्हेट लिमिटेड सहभागी आहे. कुपर ट्रॅक्टर, सातारा आणि अँड्रियास स्टील प्रायव्हेट लिमिटेड हे पॉवर्ड बाय प्रायोजक आहेत. तसेच भोसले ब्रदर्स एलएलपी-पॅकराव, पॅडकॉर्प पडगिलवार प्रायव्हेट लिमिटेड, युनिव्हर्सल बॉयोकॉन प्रायव्हेट लिमिटेड, पेन्शन फंड नियामक आणि विकास प्राधिकरण तसेच रॉयल एनफिल्ड हे सहप्रायोजक आहेत..सरपंचांना बुलेट जिंकण्याची संधीसरपंच महापरिषदेत अँड्रियास स्टील प्रायव्हेट लिमिटेड कंपनीच्या वतीने तीन शेतकऱ्यांचा गौरव करण्यात येणार आहे. अहिल्यानगर जिल्ह्यातील पिंपळगाव माथा गावच्या महिला सरपंच सविता पांडे या अनुभव कथन करणार आहेत. तसेच खास सरपंचांसाठी सायंकाळी पाच वाजता लकी ड्रॉ काढण्यात येणार असून, विजेत्या सरपंचाला भेट म्हणून रॉयल एनफिल्ड बुलेट देण्यात येणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
