Chhatrapati Sambhajinagar News: छत्रपती संभाजीनगर जिल्ह्यात १ लाख ३१ हजार ७६५ शेतकऱ्यांची ॲग्रीस्टॅक नोंदणी अद्याप प्रलंबित आहे. शनिवारी (ता. ८) व रविवारी (ता. ९) राबविल्या जाणाऱ्या विशेष कॅम्पनंतर ॲग्रीस्टॅक नोंदणीची जिल्ह्यातील स्थिती स्पष्ट होईल. .ॲग्रीस्टॅक नोंदणी फार्मर आय डी अर्थात ॲग्रीस्टॅक नसल्यामुळे अनेक शेतकऱ्यांचे अतिवृष्टी मदत अनुदान त्यांच्या खात्यात जमा होण्यास अडचणी निर्माण होत आहेत. त्यामुळे या नोंदणीसाठी शनिवार (ता. ८) व रविवार (ता. ९) रोजी प्रत्येक गावात विशेष कॅम्पचे आयोजन करण्याचे निर्देश जिल्हाधिकारी दिलीप स्वामी यांनी दिले आहेत..Agristack Yojana : श्रीवर्धन तालुक्यात ॲग्रीस्टॅक योजना रखडली.‘ॲग्रीस्टॅक नोंदणी नसलेल्या शेतकऱ्यांच्या अनुदानाबाबत प्रक्रिया होऊ शकत नाही. त्यामुळे अतिवृष्टीने बाधित शेतकऱ्यांचे अनुदान वितरित करण्यासाठी ॲग्रीस्टॅक नोंदणी असणे आवश्यक आहे. त्यासाठी प्रत्येक गावात शनिवारी व रविवारी सर्व गावांमध्ये विशेष कॅम्पचे आयोजन करण्यात आले आहे..त्या अनुषंगाने जिल्ह्यात सर्व तलाठी, ग्रामसेवक व कृषी सहायक यांना निर्देश देण्यात आले आहेत. तसेच त्या त्या गावांत आपले सरकार सेवा केंद्रही सुरू ठेवण्याचे निर्देश देण्यात आले आहेत’, अशी माहिती स्वामी यांनी दिली..Agristack Scheme: सांगली जिल्ह्यात ॲग्रीस्टॅकची नोंदणी ५८ टक्क्यांवर.यासंदर्भात निवासी उपजिल्हाधिकारी जनार्दन विधाते यांनी दिलेल्या माहितीनुसार, जिल्ह्यात १३५५ गावांमध्ये ६ लाख ३१ हजार ७८ शेतकरी आहेत. त्यापैकी ४ लाख ९९ हजार ३१३ शेतकऱ्यांनी ॲग्रीस्टॅक नोंदणी केली आहे. अद्याप १ लाख ३१ हजार ७६५ शेतकऱ्यांची नोंदणी झालेली नाही. तर ४८ हजार ३५५ ॲग्रीस्टॅक नोंदणी केलेल्या शेतकऱ्यांच्या नोंदणीस अद्याप मान्यता देण्यात आलेली नाही..अनुदानाची स्थिती अशी...शून्य ते २ हेक्टरपर्यंतच्या ६ लाख ४४ हजार ६४९ शेतकऱ्यांना एकूण बाधित ५,१९,४६४.७४ हेक्टर क्षेत्रासाठी ४८० कोटी १७ लाख ३ हजार रुपये इतके अनुदान मंजूर आहे. त्यापैकी ४ लाख ६३ हजार १४९ शेतकऱ्यांची नावे अनुदानासाठी अपलोड करण्यात आली असून त्यांची एकूण रक्कम ३४७ कोटी २० लक्ष ३४ हजार रुपये इतकी आहे..प्रत्यक्षात आतापर्यंत २ लाख ८७ हजार ७५१ शेतकऱ्यांना २१५ कोटी ६५ लख ७३ हजार रुपये इतके अनुदान वाटप झाले आहे. तर २ ते ३ हेक्टर क्षेत्र बाधित असलेल्या ४१ हजार १३९ शेतकऱ्यांपैकी १२ हजार ७६७ शेतकऱ्यांचे अनुदान ६ कोटी ४५ लाख १२ हजार रुपये इतके अपलोड झाले आहे. तर प्रत्यक्षात ८ हजार ३०७ शेतकऱ्यांना ४ कोटी ३३ लक्ष ३ हजार रुपये इतके अनुदान प्राप्त झाले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
