Farmer Welfare Schemes: केंद्रीय कृषिमंत्री शिवराज सिंह चौहान यांनी उत्तराखंड, आंध्र प्रदेश, ओडिशा, तामिळनाडू आणि त्रिपुरा आदी पाच राज्यांना दोन केंद्राच्या योजनांतर्गत दुसऱ्या हप्त्यापोटी १,१८३.११ कोटी रुपयांचा निधी वितरणास मंजुरी दिली आहे. शेतकऱ्यांचे उत्पन्न वाढवणे, पीक उत्पादनाचा खर्च कमी करणे आणि शेतीमध्ये आधुनिक तंत्रज्ञानाचा वापर वाढविण्यासाठी हा निधी दिला जात आहे..मंत्री चौहान यांनी मंगळवारी पाच राज्यांचे कृषिमंत्री आणि वरिष्ठ अधिकाऱ्यांसोबत व्हिडिओ कॉन्फरन्सिंगच्या माध्यमातून आढावा बैठक घेतली. यावेळी कृषी सचिव अतिश चंद्र यांचीदेखील उपस्थिती होती. केंद्रीय कृषिमंत्र्यांनी पंतप्रधान राष्ट्रीय कृषी विकास योजना (PM-RKVY) आणि कृषोन्नती योजना (KY) अंतर्गत एकूण १,१८३.११ कोटी रुपयांच्या निधी वितरित मंजुरी दिली. यात आंध्र प्रदेशसाठी ४०९.४० कोटी, तामिळनाडू ३५५.८८ कोटी, ओडिशा २१९.६५ कोटी, उत्तराखंड १०६.६७ कोटी आणि त्रिपुरासाठी ९१.५१ कोटी रुपयांच्या निधीचा समावेश आहे..Government Agriculture Schemes: सेंद्रिय आणि नैसर्गिक शेतीला प्रोत्साहन देणाऱ्या विविध योजना.या निधीमुळे राज्यांना सूक्ष्म-सिंचन म्हणजेच प्रति थेंब अधिक पीक पद्धतीचा वापर वाढवता येईल. यामुळे पाण्याची बचत होईल आणि पीक उत्पादनातही वाढ होण्यास मदत होईल. तसेच कृषी यांत्रिकीकरण उप-अभियानांतर्गत छोट्या शेतकऱ्यांना आधुनिक यंत्रसामग्रीसाठी अनुदान मिळण्याचा मार्ग मोकळा झाला आहे, असे सरकारकडून जारी केलेल्या निवेदनात म्हटले आहे..Government Schemes : जलसंधारण, महिला सक्षमीकरण, घरकुल, औद्योगिक विकासाला प्राधान्य.सर्व राज्यांनी या योजनांची प्रत्यक्ष अंमलबजावणी जलदगतीने करावी. जेणेकरून त्यांचा लाभ प्रत्येक पात्र शेतकऱ्यापर्यंत वेळेत पोहोचेल, असे आवाहन चौहान यांनी केले आहे. .दुसऱ्या हप्त्यासाठी महाराष्ट्र ठरले देशात सर्वप्रथम पात्र‘राष्ट्रीय कृषी विकास योजने’ची महाराष्ट्रात प्रभावी अंमलबजावणी करण्यात आली होती. यामुळे या योजनेचा दुसरा हप्ता मिळवण्यास पात्र ठरणारे महाराष्ट्र हे देशातील पहिले राज्य ठरले होते. त्याबद्दल याआधी शिवराजसिंह चौहान यांनी महाराष्ट्राच्या या कामगिरीचे विशेष कौतुक केले होते. केंद्राने या योजनेंतर्गत महाराष्ट्राला पहिल्या हप्त्यापोटी ३३५ कोटी निधी मंजूर केला होता. राज्याने सुमारे २६० कोटींचा निधी वेळेत खर्च केला. आता उर्वरित ३३५ कोटींचा निधी वितरित करण्याची प्रक्रिया केंद्र सरकारने सुरू केली होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
