Buldhana News: गेल्या काही वर्षात वन्यप्राण्यांचा वावर वाढला असून पिकांची नासधूस रोखण्यासाठी तसेच, चोरट्यांकडून शेतमाल व शेतीसाहित्याची चोरी रोखण्यासाठी शेतकरी विविध उपाययोजना शोधत आहेत. त्यातच आता डिजिटल साधनांचा वापर वाढू लागला आहे. ध्वनिक्षेपकाच्या माध्यमातून रात्रीचा पहारा देण्याचे प्रयत्न शेतकरी करीत आहेत. .शेतात वास्तव्यास असणाऱ्या व रात्री शेताची देखभाल करणाऱ्या शेतकऱ्यांना सध्या वन्यप्राण्यांच्या उपद्रवापासून बचावासाठी वेगवेगळे मार्ग शोधावे लागत आहेत. गेल्या काही वर्षांत जंगलतोड व इतर कारणांमुळे वनसंपदा विरळ झाली आहे. .Smart Farming: जागृतपणे शेती केल्यास फायदेशीर: पाटील.यामुळे रोही, रानडुक्कर, हरीण यासारखे वन्यप्राण्यांचा वावर शेतशिवारात वाढला आहे. या पार्श्वभूमीवर वन्यप्राण्यांचा अटकाव करणे आणि शेतीचे संरक्षण करण्यासाठी शेतकऱ्यांनी ध्वनीक्षेपकाच्या माध्यमातून डिजिटल पहाऱ्याचा पर्याय स्वीकारला आहे..Smart Farming: कामगंध रसायनांचापीक संरक्षणातील वापर.या पद्धतीत शेतात रात्रभर ध्वनीक्षेपकाद्वारे विविध प्राण्यांचे तसेच माणसांचे आवाजाचे रेकॉर्डिंग सुरू ठेवले जाते. या आवाजांमुळे शेतात कुणीतरी पाठलाग करीत असल्याची भीती वन्यप्राण्यांमध्ये निर्माण होते आणि ते शेतातून काढता पाय घेतात. या कल्पनांमुळे काही प्रमाणात तरी वन्यप्राण्यांकडून होणाऱ्या पिकांच्या नुकसानीला आळा बसत असल्याचे शेतकरी सांगत आहेत..शेतशिवारात रात्रभर आवाजाची गुंजसध्या रब्बी हंगामातील पिके फुलोरा व फळधारणेच्या अवस्थेत असून या पिकांवर वन्यप्राण्यांचा उपद्रव वाढला आहे. त्यावर उपाय म्हणून अनेक शेतकऱ्यांनी शेतात ध्वनीक्षेपक यंत्र बसविले आहे. मोठा स्पीकर आणि त्यामध्ये रेकॉर्ड केलेले विविध प्राणी व माणसांचे आवाज रात्रभर गुंजत असतात. बॅटरीचलित स्प्रे पंपावर हे यंत्र रात्रभर वाजवले जाते. त्यामुळे वन्यप्राण्यांचा उपद्रव कमी होत असल्याचा अनुभव शेतकरी व्यक्त करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.