Buldana News: जागतिक मृदा दिनानिमित्त माळवंडी (ता. बुलडाणा) येथे जिल्हा कृषी विभागातर्फे शेतकरी जनजागृती कार्यक्रम घेण्यात आला. या कार्यक्रमाला प्रमुख म्हणून जिल्हा अधीक्षक कृषी अधिकारी मनोजकुमार ढगे होते. यावेळी केव्हीकेचे वरिष्ठ शास्त्रज्ञ अमोल झापे, जिल्हा मृदा चाचणी अधिकारी मयुरी खलाणे, कृषी विभागाचे सचिन चेके व मंडळ कृषी अधिकारी विकास गवई उपस्थित होते. सरपंच संगीताताई समाधान चव्हाण, उपसरपंच अशोकराव चव्हाण, ग्रामपंचायत सदस्य तथा गावकरी मोठ्या संख्येने सहभागी झाले..कार्यक्रमात मृदा आरोग्याचे महत्त्व, जमिनीतील पोषक तत्त्वांचे संतुलन राखणे, रासायनिक खते तर्कसंगत वापर, सेंद्रिय शेती पद्धतींचा अवलंब आणि पीक व्यवस्थापनातील आधुनिक तंत्रज्ञान याबाबत तज्ज्ञांनी मार्गदर्शन केले. .Soil Health: काडीकचरा, पालापाचोळ्याचे कंपोस्ट रूपांतर शेतातच करणे फायदेशीर .जिल्हा अधीक्षक कृषी अधिकारी श्री. ढगे यांनी शाश्वत शेतीसाठी मातीची आरोग्य तपासणी अत्यावश्यक असल्याचे सांगितले. मृदा चाचणीच्या आधारे खतांचा समतोल वापर केल्यास उत्पादनक्षमता वाढते, खर्च कमी होतो आणि जमिनीची सुपीकता टिकून राहते, असे त्यांनी सांगितले..Soil Health: मानवाच्या आरोग्यासाठी जमिनीचे आरोग्य जपा : नानोटे.कार्यक्रमादरम्यान केव्हीकेचे वरिष्ठ शास्त्रज्ञ झापे यांनी माती संवर्धन, सूक्ष्म अन्नद्रव्यांचे व्यवस्थापन आणि पिकांनुसार जमीन सुधारणा उपाययोजना स्पष्ट केल्या. जिल्हा मृदा चाचणी अधिकारी खलाणे यांनी मृदा नमुना घेण्याची योग्य पद्धत व त्याच्या अहवालाचे वाचन याबद्दल शेतकऱ्यांना माहिती दिली..या उपक्रमात एकूण १०० शेतकऱ्यांना मृदा चाचणी अहवालाचे वितरण करण्यात आले. कार्यक्रमाचे सूत्रसंचालन उपकृषी अधिकारी श्री. अंभोरे यांनी केले तर संपूर्ण नियोजन सहायक कृषी अधिकारी वैशाली लहाने यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
