Leadership Change in Agri Sector: कृषी विभागाचे अतिरिक्त मुख्य सचिव विकासचंद्र रस्तोगी यांची वित्त विभागात बदली करण्यात आली असून, त्यांच्या जागी नानाजी देशमुख कृषी संजीवनी प्रकल्पाचे (पोकरा) संचालक परिमल सिंह यांची सचिवपदी नियुक्ती करण्यात आली आहे. दरम्यान, ‘पोकरा’च्या प्रकल्प संचालकपदाचा अतिरिक्त कार्यभार परिमल सिंह यांच्याकडे ठेवण्यात आला आहे..सामान्य प्रशासन विभागाने मंगळवारी (ता. ३१) बदल्यांचे आदेश जारी केले आहेत. उच्च व तंत्र शिक्षण विभागाचे प्रधान सचिव म्हणून कार्यरत असलेल्या विकासचंद्र रस्तोगी यांची २ जून २०२५ रोजी कृषी विभागाच्या अतिरिक्त मुख्य सचिवपदी नियुक्ती करण्यात आली होती. तत्पूर्वी कृषी विभागामध्ये सचिवांच्या नियुक्तीचा खेळ सुरू होता..Gramsevak Appointment Issue: ग्रामसेवकांची बनावट आदेशांद्वारे नियुक्ती.व्ही. राधा यांची दोन महिन्यांतच तडकाफडकी बदली केल्यानंतर जयश्री भोज यांच्याकडे अतिरिक्त कार्यभार देण्यात आला होता. त्यानंतर विकासचंद्र रस्तोगी यांची नियुक्ती करण्यात आली होती. रस्तोगी यांनी ‘पोकरा’ प्रकल्प राबविण्यात आणि कृषी विभागात कृत्रिम बुद्धिमत्ता धोरण राबविण्यात महत्त्वाचा वाटा उचलला..Superintendent Agriculture Officer: लातूरच्या ‘एसएओ’पदी राजेंद्र कदम यांची नियुक्ती.नवनियुक्त सचिव परिमल सिंह हे सध्या पोकरा प्रकल्पाचे संचालक आहेत. त्यांच्या नेतृत्वाखाली ‘पोकरा’चा पहिला टप्पा पूर्ण झाला असून, दुसऱ्या टप्प्याला प्रारंभ झाला आहे. कृषी विभागात सध्या अनेक योजना प्रलंबित आहेत. कृत्रिम बुद्धिमत्ता धोरण, कृषी समृद्धी योजना अंमलबजावणीत आणि कृषी यांत्रिकीकरण योजनेतील लाभार्थ्यांना निधी वितरणाचे आव्हान त्यांच्यासमोर असेल..रस्तोगी यांची नियुक्ती वित्त विभागात अपर मुख्य सचिव पदी करण्यात आली असून त्यांच्याकडे वित्तीय सुधारणा विभाग असेल. वित्त विभागाचे अतिरिक्त मुख्य सचिव ओ. पी. गुप्ता ऑगस्ट महिन्यात निवृत्त होत आहेत. त्यामुळे त्यांच्या जागी रस्तोगी यांची नियुक्ती होण्याची शक्यता आहे. .मदत व पुनर्वसन विभागाच्या प्रधान सचिव विनिता वेद सिंघल यांची मृदा व जलसंधारण विभागाच्या प्रधान सचिव पदी तर त्याच्या जागी दिव्यांग कल्याण विभागाचे सचिव तुकाराम मुंडे यांची नियुक्ती केली आहे. राज्य कर विभागाच्या सहआयुक्त प्रेरणा देशभ्रतार यांची नियुक्ती मत्स्यव्यवसाय विभागाच्या आयुक्तपदी करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.