Akola News: डॉ. पंजाबराव देशमुख कृषी विद्यापीठाच्या प्रक्षेत्रांवर मागील काही वर्षांत प्रयोगशीलतेला चालना मिळाली असून फळबागा, संशोधन व बीजोत्पादन क्षेत्रात विद्यापीठाने लक्षणीय प्रगती साधली आहे. राज्याचे कृषी आयुक्त सूरज मांढरे यांनी अॅग्रोटेक कृषी प्रदर्शनानिमित्त विद्यापीठास दिलेल्या भेटीत या सर्व उपक्रमांची पाहणी करत प्रशंसा केली..डॉ. पंजाबराव देशमुख यांच्या जयंतीनिमित्त दरवर्षी होणाऱ्या अॅग्रोटेक कृषी प्रदर्शनाचे उद्घाटन शनिवारी (ता. २७) कृषी आयुक्त सूरज मांढरे यांच्या हस्ते झाले. यानिमित्ताने ते प्रथमच अॅग्रोटेकमध्ये सहभागी झाले होते..PDKV Akola: आत्मनिर्भरतेसाठी राष्ट्र हाच धर्म मानून प्रयत्न हवे; डॉ. गडाख.कार्यक्रमापूर्वी आणि कार्यक्रमानंतर त्यांनी विद्यापीठाच्या विविध प्रक्षेत्रांना भेट देत फळबागा, संशोधन प्रकल्प, नैसर्गिक शेती तसेच प्रक्रिया युनिटची सविस्तर पाहणी केली..PDKV Training: नवीकरणीय ऊर्जा आधारित तंत्रज्ञानाविषयी प्रशिक्षण.दुपारच्या सत्रात त्यांनी वणी-रंभापूर अंतर्गत असलेल्या अन्वी व रंभापूर या दोन्ही ब्लॉकला भेट दिली. येथे शेकडो एकर क्षेत्रावर बीजोत्पादन कार्यक्रम राबविण्यात येत असून सध्या रब्बीत हरभरा मूलभूत बीजोत्पादन कार्यक्रम सुरू आहे..या उपक्रमांमुळे शेतकऱ्यांना दर्जेदार बियाणे उपलब्ध होत असल्याचे त्यांनी नमूद केले. या वेळी कुलगुरू डॉ. शरद गडाख, विभागीय कृषी सहसंचालक गणेश घोरपडे, कार्यकारी परिषद सदस्य श्रीराम घोडके, शास्त्रज्ञ डॉ. शिवाजी नागपुरे, डॉ. आम्रपाली आखरे, कुलगुरूंचे तांत्रिक सचिव डॉ. नितीन कोष्टी, आत्मा प्रकल्प संचालक डॉ. मुरली इंगळे यांच्यासह शास्त्रज्ञ उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
