Parbhani News: वसंतराव नाईक मराठवाडा कृषी विद्यापीठाच्या ‘माझा एक दिवस माझ्या बळीराजा’सोबत या उपक्रमांतर्गत बुधवारी (ता. १४) मराठवाड्यातील विविध संशोधन केंद्रे, महाविद्यालये, विस्तार केंद्रांच्या कार्यक्षेत्रातील गावांमध्ये प्रक्षेत्रभेटी, चर्चासत्रे, शेतकरी मेळावे आयोजित करण्यात आले होते. या उपक्रमाअंतर्गंतं कृषीशास्त्रज्ञांनी शेतकऱ्यांना थेट बांधावर जाऊन पीक व्यवस्थापनावर माहिती दिली. शेतकऱ्यांशी संवाद साधला..कुलगुरू डॉ. इंद्र मणी यांच्या संकल्पनेतून आणि विस्तार शिक्षण संचालक डॉ .राकेश अहिरे यांच्या मार्गदर्शनाखाली दर महिन्याच्या दुसऱ्या बुधवारी मराठवाड्यातील आठही जिल्ह्यांमध्ये ‘माझा एक दिवस माझ्या बळीराजा’सोबत उपक्रम राबविण्यात येत आहे. .Agriculture Scientist: कृषी शास्त्रज्ञांच्या विरोधातील अर्ज निघाला खोटा.बुधवारी (ता. १४) या उपक्रमात पेडगाव (ता. परभणी) येथील विजय जंगले यांच्या शेतावर प्रक्षेत्र भेट कार्यक्रम आयोजित करण्यात आला. यावेळी कुलगुरू डॉ. इंद्र मणी मिश्रा यांनी ऑनलाइन माध्यमातून शेतकऱ्यांशी संवाद साधला. विस्तार शिक्षण संचालक डॉ. राकेश अहिरे, विस्तार कृषिविद्यावेत्ता डॉ. गजानन गडदे आदी उपस्थित होते. डॉ. इंद्रमणी म्हणाले, की शेतकऱ्यांना अधिक नफा मिळावा यासाठी विद्यापीठ सातत्याने आधुनिक तंत्रज्ञान व सुधारित वाणांच्या विकासावर भर देत आहे..Agriculture Scientists: शास्त्रज्ञ पोहोचले शेतकऱ्यांच्या बांधावर.उत्पादन खर्चात बचत व्हावी यासाठी नैसर्गिक शेतीच्या विकासास प्रोत्साहन देत आहे. डॉ. अहिरे यांनी बायोमिक्स, ट्रायकोडर्मा आदींचा सेंद्रिय शेतीमध्ये वापर करण्याचे महत्त्व सांगितले. या उपक्रमात परभणी येथील विद्यापीठाचे विस्तार शिक्षण संचालनालय, कृषी तंत्रज्ञान माहिती केंद्र, छत्रपती संभाजीनगर येथील राष्ट्रीय कृषी संशोधन केंद्र, नांदेड येथील कापूस संशोधन केंद्र, लातूर येथील गळीत धान्य संशोधन केंद्र परभणी, छत्रपती संभाजीनगर, अंबाजोगाई, लातूर येथील विभागीय कृषी विस्तार शिक्षण केंद्रे, छत्रपती संभाजीनगर, बदनापूर येथील कृषी विज्ञान केंद्रातील शास्त्रज्ञ सहभागी झाले होते..मुख्य विस्तार शिक्षण अधिकारी डॉ. प्रशांत देशमुख, विभाग प्रमुख डॉ. हरिहर कौसडीकर, डॉ. सूर्यकांत पवार, प्रा. अरुण गुट्टे, डॉ. वसंत सूर्यवंशी, डॉ. अरविंद पंडागळे, डॉ. मोहन धुप्पे, प्रा. अशोक घोटमुखळे, डॉ. बस्वराज भेदे, डॉ. पवन ढोके, डॉ. अजित पुरी, डॉ. एस. डी. सोमवंशी, अभिलाष बनसोडे, अमोल दाभाडे, डॉ. एफ. आर. तडवी, रामेश्वर ठोंबरे, राम पाटील, कृषी विभागातील अधिकारी प्रकाश देशमुख, विजय पवार आदींनी हळद पीक खत व्यवस्थापन, करपा रोग नियंत्रण, मोसंबीतील कोळी कीड व सूक्ष्म अन्नद्रव्य व्यवस्थापन, हरभरा लागवड, जमिनीचे आरोग्य संवर्धन, रब्बी हंगामातील पीक नियोजन, फळबाग व्यवस्थापनावर शेतकऱ्यांना माहिती दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
