Farmers Irrigation Cable Theft Problem: पिकांना पाणी देण्याची गरज वाढली असतानाच शेतशिवारात कृषिपंपांच्या केबल, मोटारी आणि सौरपंपांच्या वायर चोरीच्या घटना वाढल्याने शेतकरी त्रस्त झाले आहेत. केबल चोरीमुळे सिंचन व्यवस्था ठप्प होऊन पिके वाळण्याचा धोका निर्माण झाला आहे..पावसाअभावी यंदाचा खरीप हंगाम आधीच अडचणीत आला आहे. अशा परिस्थितीत विहीर, बोअर किंवा इतर सिंचनाची सुविधा असलेले शेतकरी पिके जगविण्यासाठी पाण्याच्या पाळ्या देत आहेत. मात्र, चोरट्यांकडून कृषिपंपांच्या केबल लक्ष्य केल्या जात असल्याने शेतकऱ्यांसमोरील अडचणी वाढल्या आहेत. यवतमाळसह महागाव, पुसद आणि आर्णी तालुक्यांत शेतसाहित्य चोरीच्या घटना वाढल्या आहेत..Farmer Crisis : पाइप, तुषार संच, केबल चोरीचे सत्र सुरूच; दुष्काळात शेतकऱ्यांवर दुहेरी संकट.वणी तालुक्यातील उमरी येथील गजानन माथनकर यांच्या गट क्रमांक १३ मधील शेतातील बोअरला जोडलेली कृषिपंपाची सुमारे २०० ते २५० फूट केबल चोरट्यांनी कापून नेली. मोटार मात्र बोअरमध्येच सोडून देण्यात आली. याच परिसरातील भाऊराव पिंपळकर यांच्या शेतातील सुमारे २०० फूट केबलही चोरीला गेली..Power Theft Cases: तीन महिन्यांत २८ हजार वीजचोऱ्या पकडल्या.दोन्ही घटनांबाबत वणी पोलिस ठाण्यात तक्रार दाखल करण्यात आली आहे. यवतमाळ तालुक्यातील अकोला बाजार येथे सप्टेंबरच्या सुरुवातीला मोटारपंप चोरी करणाऱ्या टोळीला पोलिसांनी पकडले होते. त्यांच्याकडून अनेक मोटारपंप जप्त करण्यात आले होते. आता केबल चोरीच्या घटनांमध्ये वाढ झाल्याने शेतकऱ्यांचा सिंचनाचा प्रश्न ऐन हंगामात गंभीर झाला आहे..नवीन केबलचा अतिरिक्त खर्चचोरी झाल्यानंतर शेतकऱ्यांना नवीन केबल खरेदीसह दुरुस्तीचा खर्च करावा लागत आहे. त्यामुळे आधीच आर्थिक अडचणीत असलेल्या शेतकऱ्यांवर अतिरिक्त भार पडत आहे. रात्रीच्या वेळी पोलिस गस्त वाढवून शेतशिवारातील चोऱ्यांना आळा घालावा, अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
