Daytime Electricity Supply For Farmers: दिवसा खंडित वीज पुरवठ्यामुळे शेतकऱ्यांना शेतपिकांना पाणी देण्यासाठी रात्री जागून काढाव्या लागतात. पण आता राज्य सरकारने शेतकऱ्यांना दिवसा अखंडित वीज पुरवठा करण्यासाठी पावले उचलली आहेत. मुख्यमंत्री सौर कृषी वाहिनी २.० योजनेंतर्गत कोल्हापूर जिल्ह्यातील ६५२ शेतकऱ्यांना दिवसा अखंडित वीज पुरवठा उपलब्ध करुन देण्यात आला आहे. .मुख्यमंत्री सौर कृषी वाहिनी २.० योजनेच्या माध्यमातून राधानगरी ३३/११ के.व्ही. उपकेंद्रात अतिरिक्त ५ मेगावॅट क्षमतेचे नवीन रोहित्र स्थापित करण्यात आले आहे. ते आता कार्यान्वित केल्यामुळे शेतकऱ्यांना दिवसा अखंडित वीज पुरवठा मिळण्याचा मार्ग मोकळा झाला आहे. .Agricultural Electricity: शेतकऱ्यांना रब्बी हंगामात दिवसा १० तास वीज मिळणार, मध्य प्रदेशचे मुख्यमंत्री मोहन यादव यांची घोषणा.मुख्यमंत्री सौर कृषी वाहिनी २.० योजनेंतर्गत उभारण्यात आलेल्या नवीन रोहित्रचे लोकार्पण राज्याचे सार्वजनिक आरोग्य व कुटुंब कल्याण मंत्री तथा कोल्हापूर जिल्ह्याचे पालकमंत्री प्रकाश आबिटकर यांच्या हस्ते झाले. या योजनेंतर्गत ५ मेगावॅट क्षमतेचा नवीन रोहित्र स्थापित करुन कार्यान्वित केल्यामुळे राधानगरी, हत्तीमहाल, बनचीवाडी, शेटकेवाडी, फेजीवडे, फराळे, काळाम्मावाडी, डवरवाडी, लिंगाचीवाडी, सो. शिरोली, कुडूत्री, पिरळ, पडळी, सावर्धन, जोंधळेवाडी व दळवेवाडी आदी गावांतील एकूण ६५२ शेतकऱ्यांना आता दिवसा अखंडित वीज पुरवठा मिळणार आहे. .Free Electricity Scheme: बळीराजा मोफत वीज योजनेच्या दर सवलतीपोटी १,४३७ कोटी निधी मंजूर.यापूर्वी राधानगरी मतदार संघातील वाळवे, सोळांकूर व आवळी या ठिकाणी नवीन रोहित्र स्थापित करुन कार्यान्वित केले होते. यामुळे राधानगरी मतदार संघ हा १०० टक्के दिवसा वीज पुरवठा करणारा मतदार संघ ठरला असल्याचे पालकमंत्री आबिटकर यांनी म्हटले आहे. .रात्रीच्या वेळी शेतपिकांना पाणी देत असताना वन्यप्राणी, साप चावणे आदी धोक्यांचा शेतकऱ्यांना सामना करावा लागतो. दिवसा वीजपुरवठा करण्याची मागणी शेतकऱ्यांकडून सातत्याने केली जात आहे. त्यासाठी मुख्यमंत्री सौर कृषी वाहिनी योजना २.० अंतर्गत शेतकऱ्यांच्या शेतीपंपांना दिवसा अखंडीत वीज पुरवठा उपलब्ध करुन दिला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
