Indian Agriculture: रब्बी ज्वारी वाढीची अवस्थाजमिनीमधील ६० ते ७० टक्के ओलावा हा बाष्पीभवानामुळे नाहीसा होतो. जमिनीमधील ओलावा टिकवून ठेवण्यासाठी शेतामध्ये आच्छादनाचा वापर करावा. आच्छादन हे ज्वारी पेरणीनंतर ५० दिवसांच्या आत करावे. आच्छादनामुळे उत्पादनात वाढ मिळण्यास मदत होते..हरभराहरभऱ्याच्या जोमदार वाढीसाठी पीक सुरवातीपासूनच तण विरहित ठेवावे. पीक २० दिवसांचे झाल्यानंतर पहिली कोळपणी करावी.हरभरा पिकावरील घाटेअळीच्या नियंत्रणासाठी शेतात पक्षिथांबे उभारावेत. तसेच हेक्टरी ५ या प्रमाणे कामगंध सापळे लावावेत..Crop Advisory: कृषी सल्ला : कोकण विभाग.गहूउगवणीनंतर गहू पिकात विरळणी व नांग्या भरणे आवश्यक असते. विरळणी करताना चांगली जोमदार रोपे ठेवावीत.रब्बी मकापेरणीनंतर रब्बी मका पिकात पक्षी राखण, नांग्या भरणे किंवा विरळणी करणे तसेच तणनियंत्रण, भर देणे इत्यादी महत्त्वाची आंतरमशागतीचे कामे करून घ्यावीत..Crop Advisory: कृषी सल्ला : राहुरी विभाग.खरीप कांदाकाढणीखरिपाच्या कांदा पिकाची काढणी वेगवेगळ्या जातींनुसार पुनर्लागवडीनंतर १०० ते ११० दिवसांनी करावी. खरिपात कांदा तयार झाला तरी माना पडतीलच असे नाही. अशावेळी पीक काढणीच्या दोन किंवा तीन दिवस आधी रिकामा बॅरल फिरवून कृत्रिमरीत्या माना पाडाव्या लागतात. शेत कोरडे असताना काढणी करावी..कांदा काढल्यानंतर तो शेतामध्ये तीन-चार दिवस पातीसह सुकण्यास ठेवून द्यावा. प्रत्येक वाफ्यातील कांदा अशारीतीने ठेवावा की, दुसरी ओळ पहिल्या ओळीचा फक्त कांदा झाकेल आणि पात उघडी राहील. तीन-चार दिवसांत कांद्याची पात पूर्णपणे सुकते. कांद्याची पूर्ण सुकलेली पात २ ते २.५ सें.मी. लांब मान ठेऊन कापावी. नंतर जोडकांदे, डेंगळे आलेले कांदे आणि चिंगळी कांदे बाजूला काढून टाकावेत. राहिलेले चांगले कांदे गोळा करून सावलीत १० ते १२ दिवस ठेवावेत..रब्बी करडईवाढीच्या अवस्थेतील करडई पिकाच्या जोमदार वाढीकरिता पीक सुरवातीपासून तण विरहित ठेवणे आवश्यक आहे. आवश्यकतेनुसार कोळपणी किंवा खुरपणी करावी. त्यामुळे जमिनीतील ओलावा व अन्नद्रव्यांसाठी पिकाची व तणांची होणारी स्पर्धा कमी होते..उन्हाळी कांदा लागवडउन्हाळी कांद्याच्या लागवडीसाठी गादी वाफे तयार करून रोपनिर्मितीसाठी बियाणे पेरणी करावी. उन्हाळी हंगामासाठी शिफारस केलेल्या सुधारित जातींचा वापर करावा. पेरणीपूर्वी जिवाणू संवर्धकाचा वापर करावा.०२४२६ २४३२३९(प्रमुख अन्वेषक, ग्रामीण कृषी मौसम सेवा, राहुरी तथा प्रमुख, कृषिविद्या विभाग, महात्मा फुले कृषी विद्यापीठ, राहुरी).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
