Satara News: खरीप हंगामात शेतकऱ्यांची फसवणूक करून आर्थिक लाभ मिळवण्याच्या उद्देशाने काही कंपन्यांनी आणि वितरकांनी खतांची भेसळ करून विक्री केल्याचे प्रकार कृषी विभागाने उघडकीस आणले होते. आता रब्बी हंगामात तरी शेतकऱ्यांना दर्जेदार आणि भेसळमुक्त खते मिळावीत, यासाठी कृषी विभागाने प्रभावी उपाययोजना करणे आवश्यक आहे. खत भेसळीचे प्रकार रोखण्यासाठी कृषी विभागाने खरिपासारखी रब्बी हंगामातही गैरप्रकार करणाऱ्या दुकानदारांना जरब बसविण्याची गरज आहे..गेल्या हंगामात विविध ठिकाणी तपासणीदरम्यान अनेक खतांच्या नमुन्यांमध्ये भेसळीचे प्रमाण आढळले होते. काही ठिकाणी युरिया खताचा वापरही इतर कामासाठी वापर केला जात होता. अशाप्रकारच्या फसवणुकीमुळे शेतकऱ्यांचा विश्वास डळमळीत झाला असून, आर्थिक नुकसानही झाले होते..Milk Adulteration: दूध भेसळ रोखण्यासाठी लवकरच नवीन कायदा: दुग्धविकासमंत्री अतुल सावे .कृषी विभागाकडून खत वितरकांना नियमित तपासणी व नमुना संकलनाचे आदेश दिले असले, तरी अंमलबजावणी प्रभावीपणे झाली पाहिजे. खरीप हंगामाच्या पार्श्वभूमीवर खतपुरवठा मोठ्या प्रमाणात वाढतो. त्यामुळे या काळात विशेष पथके गठित करून खत विक्रेत्यांच्या गोदामांवर अचानक तपासण्या घेणे आवश्यक आहे..Fertilizer supply : खानदेशात खतपुरवठा रखडत; डीएपी, १०.२६.२६चा तुटवडा.शेतकऱ्यांना दर्जेदार खते मिळावीत, यासाठी प्रशासनाने उत्पादक कंपन्या, वितरक व विक्रेते यांच्या साखळीवर कडक नियंत्रण ठेवावे. दोषी आढळलेल्या कंपन्यांवर फौजदारी कारवाई होणे आवश्यक आहे. दरम्यान, खरीप हंगामात शेतकऱ्यांची फसवणूक करणाऱ्या सुमारे ३० हून अधिक रद्द दुकानांचे परवाने रद्द केले आहेत..रब्बी हंगामातील शेतकऱ्यांना दर्जेदार व भेसळमुक्त खते उपलब्ध करून देण्यासाठी दुकानांची तपासणी सुरू आहे. खरीप हंगामात खतांमध्ये भेसळ करणाऱ्या दुकानांवर कारवाई करून दोन दुकानदारांवर गुन्हा दाखल करण्यात आला होता. रब्बी हंगामात ज्या शेतकऱ्यांना खतांमध्ये गैरप्रकार केल्याचे आढळून येईल, त्यांनी कृषी विभागाकडे तक्रार करावी.गजानन ननावरे, कृषी विकास अधिकारी, जिल्हा परिषद.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
