Hingoli News: यंदा ऑगस्ट-सप्टेंबर महिन्यांत अतिवृष्टी, लांबलेला पावसाळा आणि डिसेंबरमध्ये तापमानात झालेली घट अशा प्रतिकूल हवामानाचा हळद पिकाला फटका बसला आहे. पाण्याचा निचरा न झाल्यामुळे कंदसड तर तापमान कमी झाल्यामुळे पाने करपली आहे. त्यामुळे पिकात अकाली परिपक्वता आल्याची स्थिती आहे. गतवर्षीच्या तुलनेत अधिक कंदसड असून उत्पादकता, मालाचा दर्जा खालवल्याने हळद उत्पादक शेतकऱ्यांचे अर्थकारण कोलमडणार आहे. .हिंगोली जिल्ह्यात यंदा ३५ हजार ३८४ हेक्टर आणि परभणी जिल्ह्यात ८ हजार ७०० हेक्टर हळद लागवड झाली आहे. मे महिन्यात पूर्वमोसमी पाऊस झाला. जून-जुलै महिन्यांत पावसाचा खंड पडला. ऑगस्ट, सप्टेंबरमध्ये अतिवृष्टी झाली. ऑक्टोबरपर्यंत पाऊस सुरू राहिला. सततच्या जोरदार पावसामुळे माती वाहून गेल्याने कंद उघडे पडले. त्यांना कंदमाशीने डंख मारला. कंदसड झाली आहे..Turmeric Rate: हळद दरासाठी न्यायालयीन लढाईचा एल्गार.या भागात मागील १५ ते २० दिवसांपासून किमान तापमान १० अंश सेल्सिअसपेक्षा कमी आहे. अन्नद्रव्यांची उपलब्धता कमी होऊन पाने पिवळी पडून करपून जाण्याचे प्रमाण अधिक आहे. अलीकडील काही वर्षांत अतिवृष्टी तसेच सततचा पाऊस तसेच पीक फेरपालट न केल्यामुळे हळद पिकांमध्ये कंदमाशीचा प्रादुर्भाव होऊन कंदसड होण्याचे प्रमाण वाढले आहे..त्यातही हिंगोली जिल्ह्यातील वसमत तसेच कळमनुरी तालुक्यांमधील पारंपरिक हळद उत्पादक पट्ट्यामध्ये कंदसडचे प्रमाण अधिक आहे. हळदीची एकरी उत्पादकता सरासरी २० ते ३० क्विंटलपर्यंत आहे. काटेकोर व्यवस्थापन करून अनेक शेतकरी एकरी ३० क्विंटलहून अधिक उत्पादन घेतात. परंतु यंदा पोषक वातावरणाअभावी उत्पादकतेत मोठी घट होणार आहे..मागील दहा वर्षांपासून काटेकोर व्यवस्थापन करून हळदीचे दर्जेदार उत्पादन घेत आहोत. यापूर्वी कधीही कंदसड झाली नव्हती. परंतु यंदा चार एकरात कंदसड होऊन किडीचा प्रादुर्भाव झाला आहे.बाजीराव शेवाळे, गणपूर, ता. जिंतूर, जि. परभणी.जूनच्या सुरुवातीला लागवड केलेल्या तीनपैकी दीड एकरावरील हळदीमध्ये मोठ्या प्रमाणावर कंदसड झाली. आठ वेळा बुरशीनाशकांची आळवणी केली. चार ते पाच फुटवे फुटले होते. ते देखील जिरून गेले. पाने करपून गेल्यामुळे दीड एकरावरील हळद काढणी करून मोडून टाकली आहे. आमच्या भागात ६० टक्केहून अधिक हळदीमध्ये कंदसड झाली आहे.मोहन चोपडे, पुयनी खुर्द, ता. वसमत, जि. हिंगोली.Turmeric Rate: हिंगोलीला हळदीला १६,५००, तर वसमतला १७,३१० रुपये दर.यंदा तीन एकर हळदीला सुरुवातीला हुमणी लागली. त्यानंतर कंदसड झाली. त्यामुळे उतारा कमी येणारच शिवाय मालाची प्रत खालावली आहे. रोगग्रस्त बेणे वापरता येणार नसल्यामुळे पुढील वर्षी लागवडीसाठी विकत घ्यावे लागेल.प्रल्हाद बोरगड, अध्यक्ष, सूर्या फार्मर्स प्रोड्यूसर्स कंपनी, लि., सातेफळ, ता. वसमत, जि. हिंगोली.हिंगोलीत हळदीमध्ये मोठ्या प्रमाणावर कंदसड आढळून येत आहे. अन्नद्रव्ये न मिळाल्यामुळे वाढ व्यवस्थित झाली नाही. मागील पंधरा-वीस दिवसांत तापमानातील घट आहे. प्रकाशसंश्लेषण क्रिया मंदावली आहे. पाने करपण्याचे प्रमाण वाढले आहे. लवकर परिपक्वता आल्याचे दिसत आहे. परिणामी उत्पादकतेत मोठी घट येणार आहे.डॉ. बी. एम. कलालबंडी, उद्यानविद्या विषय तज्ज्ञ, वनामकृवि, परभणी.कंदमाशीमुळे होणारे नुकसान टाळण्यासाठी ट्रायकोडर्माचा वापर नियमित करणे आवश्यक आहे. कंदमाशीने डंख मारला तेथे बुरशीची वाढ होऊन कंदसड होते. त्याचा उत्पादकतेसह मालाच्या दर्जावर परिणाम होतो.डॉ. डी. डी. पटाईत, कृषी कीटशास्त्रज्ञ, वनामकृवि, परभणी.तापमान कमी झाल्यामुळे झाडावर जैविक ताण येतो. अन्नद्रव्यांची उपलब्धता होत नाही. त्यामुळे पाने पिवळी पडतात. कमजोर झालेली पाने करपतात. हळद कंद भरण्यासाठी पाने हिरवी लागतात.अनिल ओळंबे, उद्यानविद्या विशेषज्ञ, कृषी विज्ञान केंद्र, तोंडापूर, ता. कळमनुरी, जि. हिंगोली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
