Scrap Crop Insurance : राज्यातील शेतकऱ्यांचा थकीत पीक विमा तत्काळ मिळावा आणि विमा कंपन्यांकडून होणारी शेतकऱ्यांची लूट थांबवावी, या मागणीसाठी शेतकरी संघटनेचे प्रदेशाध्यक्ष शंकर गायकवाड यांच्या नेतृत्वाखाली बार्शी तालुक्यातील वानेवाडी येथील मुख्य चौकात विमा कंपन्यांच्या नावाने ‘बोंबाबोंब’ आंदोलन करण्यात आले..वानेवाडी येथे पार पडलेल्या या आंदोलनादरम्यान बोलताना शंकर गायकवाड यांनी सरकार आणि विमा कंपन्यांवर जोरदार हल्लाबोल केला. ‘‘जर विमा कंपन्या आणि सरकारला शेतकऱ्यांचा पूर्ण पीक विमा परतावा देणे शक्य नसेल, तर सरकारने 'प्रधानमंत्री पीक विमा योजना' तात्काळ बंद करावी. त्याऐवजी आजपर्यंत प्रतिहेक्टरी केलेल्या खर्चाच्या प्रमाणात दरवर्षी खरीप आणि रब्बी हंगामासाठी मदत म्हणून थेट शेतकऱ्यांच्या खात्यावर प्रतिहेक्टरी १८ हजार रुपये जमा करावेत,’’ अशी ठाम मागणी गायकवाड यांनी केली. .Shaktipeeth Highway Protest: रक्ताचे पाट वाहतील, पण एक इंचही जमीन शक्तिपीठ महामार्गाला नाही, रविकांत तुपकरांचा सरकारला इशारा.यावेळी खरीप २०२५ मधील वगळलेली सर्व महसूल मंडळे योजनेत समाविष्ट करून, शेतकऱ्यांचा आजपर्यंतचा सर्व थकीत व अडकलेला पीक विमा तात्काळ खात्यावर वर्ग करावा, अशी प्रमुख मागणी करण्यात आली. .Farm Loan Waiver: कर्जमाफी नव्हे, कर्जवसुली मोहीम; सरकारच्या शेतकरी धोरणांवर आमदार दानवेंचा जोरदार हल्लाबोल.तसेच मागण्यांचा लवकरात लवकर निपटारा न झाल्यास आगामी काळात विमा कंपन्या आणि संबंधित राज्यस्तरीय शासकीय कार्यालयांवर तीव्र स्वरूपाचे आंदोलन छेडले जाईल, असा इशाराही त्यांनी दिला. या आंदोलनाला वानेवाडीसह परिसरातील शेतकऱ्यांचा उत्स्फूर्त प्रतिसाद मिळाला..यावेळी सरपंच बापूराव गरदडे, महादेव यादव, बिभीषण जोडवे, संदीप सुर्वे, पिनू सुर्वे, विठ्ठल गरदडे, रामराव शिंदे, पांडुरंग यादव, दगडू यादव, अमोल सुर्वे, गंगाधर सुर्वे, नाना क्षीरसागर आदी शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
