Pune News: राज्याच्या महिला व बालविकास मंत्री आदिती तटकरे यांनी ‘मुख्यमंत्री माझी लाडकी बहीण योजने’ अंतर्गत पूरग्रस्त भागातील महिलांसाठी ई-केवायसी ची मुदत १५ दिवसांनी वाढवत असल्याचे आज (ता.१४) माध्यमांशी बोलताना सांगितले. ९ पूरग्रस्त जिल्ह्यांमध्ये मुदत वाढवली जाईल, ज्यात सोलापूर, नांदेड व धाराशीव जिल्हे समाविष्ट आहेत. .या योजनेअंतर्गत पात्र महिलांना दरमहा १ हजार ५०० रुपये मिळतात. ई-केवायसी प्रक्रियेत आलेल्या तांत्रिक अडचणी सोडवण्यासाठी सर्व्हर प्रणालीत सुधारणा केल्या जात असून, आतापर्यंत १ कोटी १० लाखांहून अधिक महिलांनी ही प्रक्रिया पूर्ण केली आहे. कोणतीही पात्र महिला या योजनेच्या लाभापासून वंचित राहू नये, यासाठी सरकार कटिबद्ध असल्याच तटकरे म्हणाल्या..Ladki Bahin Yojana: लाडक्या बहिणींना दिवाळीची भेट! सप्टेंबर महिन्याचे १५०० रुपये वितरित करण्यास सुरुवात.मंत्री तटकरे यांनी सांगितले की, ई-केवायसी प्रक्रियेदरम्यान काही तांत्रिक अडचणींमुळे अनेक ठिकाणी ही प्रक्रिया मंदावली होती. या समस्यांचे निराकरण करण्यासाठी सरकारने प्राधान्य दिले आहे. त्यासाठी ई-केवायसी सर्व्हर प्रणालीमध्ये मोठ्या प्रमाणात सुधारणा करण्यात येत आहेत, जेणेकरून लाभार्थ्यांना ही प्रक्रिया जलद आणि सुलभपणे पूर्ण करता येईल..“दररोज सुमारे चार ते पाच लाख महिलांचे ‘ई-केवायसी’ पूर्ण होत आहेत. आतापर्यंत १ कोटी १० लाखांहून अधिक महिलांनी ही प्रक्रिया यशस्वीपणे पूर्ण केली आहे, जे एकूण अर्जदारांपैकी जवळपास ९० टक्के आहे,” असे तटकरे यांनी नमूद केले..Ladki Bahin Yojana: मुख्यमंत्री माझी लाडकी बहिण योजनेसाठी सप्टेंबर महिन्यासाठी ४१० कोटींचा निधी मंजूर.कोणतीही पात्र महिला तांत्रिक किंवा इतर अडचणींमुळे या योजनेच्या लाभापासून वंचित राहू नये, यासाठी प्रशासन कटिबद्ध असल्याचे त्यांनी स्पष्ट केले.सुमारे ९ पूरग्रस्त जिल्ह्यांना मुदत वाढवली जाईल, ज्यात सोलापूर, नांदेड व धाराशीव जिल्हे समाविष्ट आहेत..या भागातील महिलांना ई-केवायसी पूर्ण करण्यासाठी अतिरिक्त १५ दिवसांचा कालावधी देण्यात आला आहे. यामुळे पूरग्रस्त भागातील महिलांना या योजनेचा लाभ घेण्यासाठी पुरेसा वेळ मिळेल, अशी अपेक्षा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
