Nagpur News: शासनाने बंदी घातलेल्या थाई मागुळ माशाचे पालन व विक्री होत असल्याचे जिल्ह्यात काही ठिकाणी आढळून आले आहे. अशा व्यावसायिकांवर कारवाईचा बडगा उगारला जाणार आहे. प्रसंगी फौजदारी गुन्हा दाखल करण्याची तयारी दर्शविण्यात आली आहे..थाई मागुळ हा मासा जलस्रोतांमध्ये वेगाने वाढणारा व सर्वभक्षी स्वभावाचा हा मासा स्थानिक माशांच्या जाती नष्ट करण्यास कारणीभूत ठरत आहे. त्यामुळे नद्या, तलाव व जलाशयातील जैवविविधतेला मोठा धोका निर्माण झाला आहे..देशी मागूर माशाची ही आहेत वैशिष्ट्ये | Charcteristics Of Magur Fish | ॲग्रोवन.थाई मागुळ हा मासा कमी ऑक्सिजनमध्येही जगू शकतो. जमिनीवर सरपटत स्थलांतर करण्याची त्याची क्षमता आहे. परिणामी तो नैसर्गिक जलस्रोतांमध्ये पसरून स्थानिक जातींची अंडी, पिल्ले तसेच लहान मासे खाऊन टाकतो. यामुळे पारंपरिक मत्स्यपालनावर आणि स्थानिक मच्छीमारांच्या उपजीविकेवरही विपरीत परिणाम होत आहे..Cage Fish Farming: धामणी धरणामध्ये पिंजरा पद्धतीने मत्स्यपालनाला गती.केंद्र व राज्य शासनाने यापूर्वीच थाई मागुळ मास्याचे पालन, संवर्धन, वाहतूक व विक्री यावर बंदी घातली आहे. मात्र काही ठिकाणी अद्यापही हा मासा बेकायदेशीररीत्या पाळला व विकला जात असल्याचे आढळून येत आहे..यामुळे पर्यावरणीय धोका वाढल्याने कारवाईस गती देण्यात येणार असल्याचे सांगण्यात आले आहे. शेतकरी व मत्स्यपालकांनी देशी व पर्यावरण पूरक माशांच्या जातींचेच संवर्धन करावे. नागरिकांनी थाई मागुळ मासे खरेदी करू नयेत. मागुळ माशाची विक्री होत असल्यास त्याची माहिती मत्सविभागाला द्यावी, असे आवाहन मत्स्य विभागकडून करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
