Jalgaon News: खानदेशात अनेक मध्यम प्रकल्प भरले होते. अनेक दिवस गिरणा, हतनूर, जामखेली या प्रकल्पांच्या लाभक्षेत्रात पाऊस सुरू होता. यामुळे या प्रकल्पांत पाण्याची आवक दिवाळीपर्यंत कायम होती. सध्या गिरणा धरणातील जलसाठा ८५ टक्के आहे. .धुळे जिल्ह्यात मागील वर्षी भरलेले प्रकल्प यंदाही भरले. त्यातून पाण्याचा विसर्गही सुरू होता. धुळे जिल्ह्यातील शिरपुरातील अनेर, साक्रीमधील मालनगाव, जामखेली, पांझरा व अक्कलपाडा या प्रकल्पांत जलसाठा मुबलक आहे. जामखेली प्रकल्प यंदा सर्वप्रथम भरला होता. अमरावती, सोनवद, बुराई मध्यम प्रकल्पही सप्टेंबरमध्ये भरले. हे सर्व मध्यम प्रकल्प असून, त्यांची साठवण क्षमता तीन ते सात टीएमसी एवढी आहे. बुराई प्रकल्प मागील वेळेस भरला होता..Water Storage: अमरावती जिल्ह्यातील सिंचन प्रकल्पांत ८४ टक्के जलसाठा.जळगाव जिल्ह्यातील जामनेरातील तोंडापूर, पाचोऱ्यातील बहुळा अग्नावती, हिवरा, चाळीसगावातील मन्याड, एरंडोलातील अंजनी, पारोळ्यातील भोकरबारी व बोरी हे प्रकल्पही भरले होते..नंदुरबार जिल्ह्यात मध्यम प्रकल्प अधिक आहेत. तसेच सातपुडालगत लघू प्रकल्पदेखील आहेत. मध्यम प्रकल्पांत दरा व देहली यांचा समावेश असून, हे प्रकल्पही भरले होते. सुसरी, चिरडे आदी लघू प्रकल्पदेखील १०० टक्के भरले होते. त्यात आजघडीला ८७ टक्क्यांवर जलसाठा आहे..Water Storage: ठाण्यातील धरणांत पुरेसा साठा.गिरणातील साठा दिलासादायकचाळीसगावनजीकच्या गिरणा धरणातील जलसाठा यंदा सप्टेंबरमध्ये वाढला. गिरणा धरणाची साठवण क्षमता १८ टीएमसी असून, त्यात जूनमध्ये फक्त २१ टक्के जलसाठा होता. परंतु जूनच्या अखेरीस धरणातील जलसाठा झपाट्याने वाढला. त्यात आता ८५ टक्के जलसाठा आहे. त्यातून उद्योगांसाठी पाणी देण्यात आले आहे. जळगाव जिल्ह्यातील वाघूर प्रकल्पातील साठा ८७ टक्के आहे. हा मध्यम प्रकल्प असून, त्याची साठवण क्षमता नऊ टीएमसी आहे..रावेरातील प्रकल्पांतही मुबलक पाणीजळगाव जिल्ह्यात रावेरातील मंगरूळ, अभोडा या प्रकल्पांतही जलसाठा चांगला आहे. पण हे प्रकल्प १०० टक्के भरले होते. यावलमधील वाघझिरा, निंबादेवी, हरिपुरा, वड्री हे लघू प्रकल्पही १०० टक्के भरले होते. चोपड्यातील गूळ मध्यम प्रकल्पातही जलसाठा मुबलक असून, तापी नदीवरील भुसावळनजीकचा हतनूर मध्यम प्रकल्प, जळगावातील शेळगाव, धुळ्यातील सुलवाडे, नंदुरबारमधील प्रकाशा व सारंगखेडा बॅरेजमधध्येही जलसाठा आहे. हतनूरमधून रब्बीसाठी एक वेळेस आवर्तन सुटले आहे. तापी नदीवरील प्रकल्पांतही ८२ टक्क्यांवर जलसाठा आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
