Chandrapur News: नागभीड तालुक्यातील शेतकऱ्याच्या किडनी विक्री प्रकरणातील फरार आरोपी सावकार मनीष घाटबांधे याने पोलिसांपुढे शरणागती पत्करली आहे. तर किडनी डोनरच्या नावाखाली फेसबुकवर पेज तयार करून किडनी विक्रीसाठी लोकांना प्रवृत्त करणाऱ्या मोहाली (पंजाब) येथील आरोपीचे नाव हरिश भारद्वाज असून त्याला बुधवारी (ता. २४) अटक करण्यात आल्याचे पोलिसांनी सांगितले. .राज्यभरात चर्चेचा विषय ठरलेल्या किडनी विक्री प्रकरणात पोलिसांनी सुरुवातीला पाच सावकारांना अटक केली होती. या प्रकरणातील सहावा सावकार मनीष घाटबांधे हा गेल्या आठ दिवसांपासून फरार होता. या काळात अटकपूर्व जामिनासाठी त्याने प्रयत्न चालविला होता. मात्र न्यायालयाने प्रकरणाची गंभीरता लक्षात घेत जामीन फेटाळल्याने शरणागती पत्करल्याशिवाय त्याच्याकडे दुसरा कोणताच पर्याय शिल्लक नव्हता..Farmer Kidney Case: किडनी प्रकरणात समाजाची निष्क्रियता चव्हाट्यावर .अखेरीस थकलेल्या मनीष याने बुधवारी रात्री उशिरा चंद्रपूर पोलिसांसमोर शरणागती पत्करली. त्यासोबतच या प्रकरणात पोलिसांनी मोहाली (पंजाब) येथून हरीश भारद्वाज याला अटक केली. हरीशने फेसबुकवर ‘कम्युनिटी डोनर’ या नावाने पेज तयार केले होते. त्या माध्यमातून पैशाची गरज असलेल्यांना तो किडनी विकण्यासाठी प्रवृत्त करीत होता..Kidney Trafficking Case: किडनी प्रकरणात पंजाबमधून एकाला अटक.रोशन खुडे याला देखील त्यानेच कंबोडियाला जाण्यासाठी प्रोत्साहन दिले, अशी माहिती तपासात समोर आली आहे. हरीशला न्यायालयासमोर हजर करण्यात आल्यानंतर त्याला शुक्रवार (ता. २६) पर्यंत पोलिस कोठडी सुनावण्यात आली..या प्रकरणातील उर्वरित पाच सावकार सध्या न्यायालयीन कोठडी अंतर्गत कारागृहात आहेत. गरजेनुसार त्यांच्या पोलिस कोठडीची मागणी केली जाईल, अशी माहिती पोलिसांनी दिली. दरम्यान या प्रकरणात इतर राज्यातील काही आरोपींचा सहभाग असल्याचे चौकशी समोर आले आहे. त्यांच्या शोधासाठी वेगवेगळ्या राज्यांमध्ये पथक पाठविले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
