Ratnagiri News: रत्नागिरी जिल्ह्यात ५६ जिल्हा परिषद गटासाठी १५१ तर ९ पंचायत समितीच्या ११२ गणांसाठी ३२१ उमेदवार रिंगणात आहेत. बहुसंख्य ठिकाणी बंडोपंतांना शांत करण्यात विविध पक्षांना यश आले आहे. जिल्ह्याती शिवसेना-भाजप युती झाली असली तरीही महाविकास आघाडीचे कुठेच जुळलेले नाही. बालेकिल्ला म्हणून ओळखल्या जाणाऱ्या रत्नागिरी जिल्ह्यात या निवडणुकीत दोन्ही शिवसेनेची कसोटी लागणार आहे..जिल्हा परिषद व पंचायत समितीच्या निवडणुकीची धामधूम खऱ्या अर्थाने सुरू झालेली आहे. अपक्ष उमेदवारांनी अर्ज मागे घ्यावेत यासाठी प्रयत्न सुरू होते. त्यात काही अंशी यश आले आहे. त्यामुळे बहुसंख्य ठिकाणी दुरंगी व तिरंगी लढती निश्चित आहेत. जिल्हा परिषदेसाठी २२६ तर पंचायत समितीसाठी ४४४ उमेदवारी अर्ज दाखल झालेले होते. .Local Body Elections: मिनी मंत्रालयात घराणेशाहीचा खुंटा.जिल्ह्यात सर्वाधिक बंडखोरीचा फटका चिपळूण, संगमेश्वर व रत्नागिरी तालुक्याला बसला. रत्नागिरी तालुक्यात हातखंबा गटात शिंदे शिवसेनेतील बंडखोरी कायम आहे. तसेच चिपळूण तालुक्यातील उमरोली गटात बंडखोरी कायम आहे. संगमेश्वरमध्ये भाजप आणि शिवसेना हे एका गटात आमनेसामने आहेत..Local Body Elections: कोल्हापुरात जिल्हा परिषद, पंचायत समितीसाठी अनेक ठिकाणी बंडाचा झेंडा.मागील वेळी निवडणुकीत जिल्हा परिषदेत ५५ पैकी राष्ट्रवादीकडे १५, काँग्रेसकडे १ आणि उरलेल्या सगळ्या जागा शिवसेनेकडे होत्या. मध्यंतरीच्या राजकीय बदलानंतर उदय सामंत आणि किरण सामंत या बंधूंसह योगेश कदम यांनी इतर पक्षातील नाराज कार्यकर्त्यांना आपल्याकडे वळवत शिंदे शिवसेनेची ताकद वाढवली. भाजपने काही बड्या नेत्यांना आपल्याकडे वळवण्याचा प्रयत्न करत संघटना वाढीचा फॉर्म्युला अमलात आणण्याचा प्रयत्न केला. त्याला तेवढे यश आलेले नाही. .महाविकास आघाडीचा विचार करता राष्ट्रवादीचा शरद पवार गट आणि काँग्रेस काही अपवाद वगळता फारच कमजोर झाले आहेत. तुलनेत ठाकरे शिवसेना ग्रामीण भागात तग धरून आहे. ही ताकद एकत्र करून लढणाऱ्या जिल्हास्तरीय नेतृत्वाचा मात्र त्यांच्याकडे अभाव आहे. जिल्ह्यात शिवसेनेचे प्राबल्य अधिक असल्याने शिंदे शिवसेना आणि ठाकरे शिवसेना यांच्यातच थेट लढाई आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.