Pune News : राज्यातील संजय गांधी निराधार योजना आणि वृध्द भूमीहीन शेतमजुरांच्या अनुदानाचा मार्ग मोकळा झाला आहे. सप्टेंबर ते ऑक्टोबर २०२५ या कालावधीसाठी सुमारे ९६ कोटींच्या निधी वितरीत करण्यात आला आहे. राज्य सरकारच्या सामाजिक न्याय विशेष सहाय्य विभागाने याबाबतचा शासन निर्णय जारी केला आहे..संजय गांधी निराधार योजना आणि वृध्द भूमीहीन शेतमजुर योजनेंतर्गत राज्य सरकारकडून अनुदान दिले जाते. यंदा सप्टेंबर ते ऑक्टोबर २०२५ या महिन्यातील अनुदानापोटी लागणाऱ्या निधी वितरणास राज्य सरकारने मंजुरी दिली असून निधीचे वाटपही करण्यात आले आहे..Maharashtra Farmer Relief : दुष्काळाच्या सवलती अतिवृष्टी आणि पूरग्रस्तांनाही लागू; मुख्यमंत्र्यांची मोठी घोषणा.या शासन निर्णयानुसार, संजय गांधी निराधार योजनेच्या अनुदानापोटी एकूण ११ कोटी ५८ लाख लाख ३९ हजार ७४० रुपये, तर वृद्ध भूमीहीन शेतमजूर अर्थसहाय्य योजनेसाठी चार कोटी ६१ लाख आठ हजार २२० रुपये इतका इतका निधी बीम्स प्रणालीवर वितरीत करण्यात आला आहे. हा निधी वेतन, दूरध्वनी-वीज-पाणी, प्रवास खर्च आणि कार्यालयीन खर्च या शिर्षकांखाली वितरित करण्यात येणार आहे..Farmer Relief Maharashtra : वाढीव आर्थिक मदत की कर्जमाफी?; मुख्यमंत्री फडणवीस २ दिवसांत मोठी घोषणा करणार.मंजूर करण्यात आलेल्या निधीची रक्कम सहा विभागीय आयुक्त कार्यालयांमार्फत संबंधित जिल्हा प्रशासनाकडे पाठवली जाणार आहे. पुढे जिल्हाधिकारी आपल्या जिल्ह्यातील तालुक्यांनुसार या निधीचे वाटप करतील. निधी वितरीत करताना प्रशासनाला या अनुदानाच्या खर्चात कोणत्याही परिस्थितीत मंजूर रकमेपेक्षा अधिक खर्च न करण्याच्या सूचना देण्यात आल्या आहेत. तसेच लेखा ताळमेळ व उपयोगिता प्रमाणपत्र सादर करण्याची जबाबदारीही संबंधित जिल्हाधिकारींवर सोपविण्यात आली आहे..दरम्यान, २०२५-२६ च्या आर्थिक वर्षासाठी संजय गांधी निराधार योजना आणि वृध्द भूमीहीन शेतमजुरांना अर्थसहाय्य या योजनेंतर्गत सुमारे २०० कोटींची अर्थसंकल्पीय तरतूद करण्यात आली आहे..जिल्हानिहाय निधीचे वाटपसंजय गांधी निराधार योजनापुणे - दोन कोटी ९२ लाख रुपये.कोकण - एक कोटी ९४ लाख ६७ हजार रुपये.नाशिक - दोन कोटी २४ लाख ३९ हजार रुपये.नागपूर - एक कोटी ८७ लाख दोन हजार रुपये .अमरावती - एक कोटी ९३ लाख ५१ हजार रुपये.छ. संभाजीनगर - एक कोटी ५७ लाख ८५ हजार रुपये..वृध्द भूमीहीन शेतमजूर अर्थसहाय्यपुणे - ७६ लाख ८४ हजार ७०३ रुपये.कोकण - ७६ लाख ८४ हजार ७०४ रुपये.नाशिक - ७६ लाख ८४ हजार ७०३ रुपये.नागपूर - ७६ लाख ८४ हजार ७०३ रुपये.अमरावती - ७६ लाख ८४ हजार ७०३ रुपये.छ. संभाजीनगर - ७६ लाख ८४ हजार ७०४ रुपये..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
