Solapur News: उजनी धरणाच्या पाणलोट क्षेत्रातील सततचा पाऊस आणि पुणे जिल्ह्यातील धरणांमधून सोडलेल्या पाण्यामुळे उजनी धरणाच्या पाणीपातळीत सातत्याने वाढ होत आहे. त्यामुळे भीमा नदीतील ७५ हजार क्युसेकचा विसर्ग बुधवारी (ता.२०) पुन्हा ९० हजार क्युसेकपर्यंत वाढविण्यात आला. त्यामुळे पंढरपूरला पूरस्थिती निर्माण होण्याची शक्यता आहे..भीमा व नीरा खोऱ्यातील सततच्या पावसामुळे उजनी धरणातील पाणीपातळीत सातत्याने वाढ होत आहे. दौंड येथून उजनी धरणात मंगळवारी साडेपाच हजार क्युसेक इतका विसर्ग होता. पण बुधवारी (ता. २०) दौंडकडून जवळपास चौपट २७ हजार ४५६ क्युसेक इतका विसर्ग उजनी धरणात येत असल्याने धरणातील पाणीपातळी नियंत्रित ठेवण्यासाठी पुढे भीमेतील विसर्ग वाढविण्याशिवाय प्रशासनासमोर पर्याय राहिलेला नाही..Monsoon Rain: आज विदर्भ आणि कोकणात काही ठिकाणी जोरदार पावसाचा अंदाज.दुसरीकडे वीर धरणातूनही जवळपास ४७ हजार क्युसेक इतका विसर्ग सोडण्यात येत असल्याने नदीच्या पातळीत मोठ्या प्रमाणात वाढ झाली आहे. पाऊस व धरणात येणाऱ्या पाण्याचा विसर्ग लक्षात घेऊन खबरदारी म्हणून भीमा नदीकाठच्या गावांना सतर्कतेचा इशारा देण्यात आला आहे..Pune Rain Update: पुणे जिल्ह्यात पावसाचा जोर, धरणांतून विसर्गात वाढ.धरणाची पातळी १०१ टक्क्यांवरवाढलेल्या विसर्गामुळे आता उजनी धरणातील पातळीतही झपाट्याने वाढ होत आहे. बुधवारी (ता.२०) सकाळी धरणाची पातळी ४९६.९०० मीटरपर्यंत राहिली. तर एकूण पाणीसाठा ११८.०७ टीएमसी आणि त्यापैकी उपयुक्त साठा ५४.४२ टीएमसी राहिला. तर या पाण्याची टक्केवारी १०१.५६ टक्के इतकी राहिली..पावसाची हजेरी कायमजिल्ह्यात गेल्या आठवडाभरापासून सर्वदूर पाऊस पडतो आहे. बुधवारी (ता.२०) पुन्हा अनेक भागांत कधी ऊन, तर कधी ढगाळ वातावरण तर काही भागांत पावसाच्या हलक्या सरी कोसळत राहिल्या. काही भागांत दिवसभर पावसाची रिपरिप सुरूच राहिली. सततच्या या पावसामुळे हाता-तोंडाशी आलेली पिके वाया गेली आहेतच, पण जमिनीला लवकर वाफसा येणार नसल्याने शेतकऱ्यांची चिंताही वाढली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
